07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ալիևը հրաժարվում է Բրյուսելում հանդիպել Փաշինյանին, ՀՀ տնտեսական ակտիվությունն աճել է. ԼՈՒՐԵՐ
Քաղաքականություն
25.11.2022 | 16:40
- Ադրբեջանի նախագահ Իլհամ Ալիևը հայտարարել է, որ մերժում է դեկտեմբերի 7-ին Բրյուսելում Հայաստանի վարչապետ Նիկոլ Փաշինյանի հետ հանդիպմանը մասնակցությունը, գրում են ադրբեջանական լրատվականները։ «Բրյուսելում հանդիպումը պետք է տեղի ունենար դեկտեմբերի 7-ին։ Սակայն երեկ Հիքմեթ Հաջիևը ինձ տեղեկացրեց, որ իր հետ կապվել են ԵԽ նախագահ Շառլ Միշելի գրասենյակից ու տեղեկացրել, որ Հայաստանի վարչապետ Նիկոլ Փաշինյանը կհամաձայնի հանդիպմանը միայն այն պայմանով, որ դրան մասնակցի Ֆրանսիայի նախագահ Էմանուել Մակրոնը։ Դա նշանակում է, որ հանդիպումը չի կայանա»,- ասել է Ալիևը։
- Մոսկվան շարունակում է նպաստել Բաքվի ու Երևանի հակամարտության կարգավորմանը, սակայն Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպում Ռուսաստանում առաջիկայում չի ծրագրվում։ Այս մասին լրագրողերին հայտնել է ՌԴ նախագահի մամուլի խոսնակ Դմիտրի Պեսկովը։
- Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները նոյեմբերի 25-ի ժամը 09։55-12։10-ն ընկած ժամանակահատվածում կրակ են բացել Արցախի Հանրապետության Ասկերանի և Մարտունու շրջանների օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։ Այս մասին հաղորդագրություն է տարածել ԱՀ ՊՆ մամուլի ծառայությունը։
Այս ժամի լուրերը՝ տեսանյութում։
