15.01.2025 | 17:45
ՌԴ-ն և Ուկրաինան «25-ը՝ 25-ի դիմաց» գերիների փոխանակում են իրականացրել
Սաակաշվիլիի առողջական վիճակի փորձաքննությունը վկայում է նրա հավանական թունավորման մասին․ բժշկական եզրակացություն
Քաղաքականություն
25.11.2022 | 15:15
Կալանավորված Վրաստանի նախկին նախագահ Միխեիլ Սաակաշվիլիի առողջության վերաբերյալ բժշկական եզրակացության վերլուծությունը վկայում է նրա հավանական թունավորման մասին։ Այս մասին հայտնել է փորձաքննությունն իրականացրած Empathy հասարակական կազմակերպության ղեկավար Մարիամ Ջիշկարիանին, փոխանցում է ՏԱՍՍ-ը։
«Բժշկական եզրակացությունը բաղկացած է 188 էջից, ուսումնասիրվել է նաև 3 հազար էջ փաստաթուղթ, ստացվել է [Սաակաշվիլիի] մազերի հետազոտության պատասխանն Ամերիկայից։ Ուսումնասիրված բոլոր փաստաթղթերի հիման վրա եզրակացնում ենք, որ նրա առողջության վատթարացման պատճառը, մեծ հավանականությամբ, թունավորումն է»,- ասել է Ջիշկարիանին։
Նրա խոսքով՝ օրգանիզմում սնդիկի մակարդակը գերազանցում է թույլատրելիի սահմանը 42%-ով, հայտնաբերվել է նաև այլ մետաղներով թունավորում, նախկին նախագահի կյանքը փրկելու համար նա պետք է ազատ արձակվի՝ արտասահմանում բուժման համար։ Ջիշկարիանին նաև նշել է, որ Սաակաշվիլիի առողջության մասին ամբողջ տեղեկատվությունը փոխանցվել է Վրաստանի նախագահի վարչակազմին։
Տաթև Ֆռանգյան
