30.10.2026 | 18:32
ԱՄՆ վերաքննիչ դատարանը կասեցրել է որոշումը, որը Պետդեպին պարտավորեցվել էր «Գրին քարտի» խաղարկություն անցկացնել
Պատմական փուլում ենք․ սա ուղղակի որոշ հոդվածների փոփոխություն չէ․ Դավիթ Ամիրյանը՝ սահմանադրական բարեփոխումների մասին․ ՏԵՍԱՆՅՈՒԹ
Հասարակություն
24.11.2022 | 16:42
«Գործընկերություն հանուն բաց հասարակության» նախաձեռնությունը և Անցումային արդարադատության միջազգային կենտրոնը (ICTJ) «Քաղաքացիական հասարակության հայացքը սահմանադրական բարեփոխումներին» թեմայով հանրային քննարկում է կազմակերպել։
Քաղհասարակության մի խումբ կազմակերպություններ ներկայացնում են սահմանադրական բարեփոխումների վերաբերյալ իրենց առաջարկությունները, մոտեցումները և տեսակետները։
«Հեղափոխությունից հետո հասարակության առաջին պահանջներից մեկը սահմանադրական փոփոխություններ իրականացնելն է»,- այս կարծիքը հայտնեց «Բաց հասարակության հիմնադրամներ-Հայաստան» գրասենյակի ծրագրերի գծով փոխտնօրեն Դավիթ Ամիրյանը՝ նկատելով, որ ակնկալվում էր, որ սահմանադրական փոփոխությունները կիրականացվեին մինչև 2018-ի վերջը, սակայն դա տեղի չունեցավ։
«Հետո բախվեցինք արհավիրքների՝ համաճարակի և պատերազմի։ Բայց քաղաքացիական հասարակությունը չի ուզում ընդունել որևէ պատճառաբանություն սահմանադրական բարեփոխումներ չիրականացնելու վերաբերյալ,- ասաց Ամիրյանը։
Նա համոզմունք հայտնեց, որ պատմական փուլում ենք, և որ փաստաթղթի ուղղակի որոշ հոդվածների փոփոխություն չպետք է լինի, այլ պետք է ընդունվի սոցիալական համաձայնագրի պես մի փաստաթուղթ, և յուրաքանչյուրը պետք է իր պարտավորություններն ու պատասխանատվությունն ունենա այդ փաստաթղթի նկատմամբ, և այդ փաստաթուղթը պետք է ապահովի սերունդների ապագան և մեր պետության բարեկեցիկ ու արժանապատիվ ապագան։
Մանրամասները՝ տեսանյութում։
