Տնտեսություն
24.11.2022 | 12:18«Պետական պարտք – ՀՆԱ հարաբերակցությունը 50 տոկոս է․ սա, մեղմ ասած, դրական ցուցանիշ է»,- Կառավարության այսօրվա նիստի ընթացքում այս մասին հայտնեց վարչապետ Նիկոլ Փաշինյանը։
«Իհարկե, փոխարժեքի փոփոխությունն ունի դերակատարում, բայց արձանագրեցինք, որ մեծապես կախված է պետական պարտքի կառավարման որակից»,- ասաց վարչապետը։
«Ասում են վա՜յ, Հայաստանի պետական պարտքը դարձել է 7 միլիարդ։ Յոթ միլիա՞րդ, հա՞, քանի՞ միլիարդ է դարձել Հայաստանի պետական պարտքը », – ՀՀ ֆինանսների նախարարից հետաքրքրվեց Փաշինյանը։
«Այս տարվա վերջին՝ 10 միլիարդից մի քիչ բարձր կլինի», – արձագանքեց Տիգրան Խաչատրյանը։ 2023թ․ վերջին, ֆինանսների նախարարության կանխատեսմամբ, պետական պարտքը ՀՆԱ–ի նկատմամբ կնվազի մինչև 49 տոկոս։
«Հա, 10 միլիարդ և այլն, էդ թիվն էական չէ, էականը, թե ՀՆԱ-ի նկատմամբ պետական պարտքն ինչ ծավալ է կազմում։ Ենթադրենք, էս ինչ մարդը 50 հազար դոլար պարտք ունի, վա՜յ քու, ոնց ա լինելու, ոնց ա լինելու, ենթադրենք, էդ մարդն ամիսը 45 հազար դոլար աշխատավարձ է ստանում, իրա համար 50 հազար դոլար պարտքը պրոբլեմ չէ։ Մեր խնդիրն այն չէ, որ մեր պարտքը 10 կամ 15 միլիարդ չլինի, մեր խնդիրն այն է, որ մեր պարտքը ոչ թե ՀՆԱ-ի նկատմամբ աճի, այլ նվազի»,- նշեց Փաշինյանը։
Մանրամասները՝ տեսանյութում։
