Փաշինյանին դատած Մնացական Մարտիրոսյանը՝ Հակակոռուպցիոն դատարանի դատավոր. ՏԵՍԱՆՅՈւԹ

Լուրեր

20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
Բոլորը

Նիկոլ Փաշինյանի իշխանության չորրորդ տարում Բարձրագույն դատական խորհուրդը նորաստեղծ Հակակոռուպցիոն դատարանի դատավոր ընտրեց Մնացական Մարտիրոսյանին։ Մարտիրոսյանն ավելի քան 20 տարի դատական համակարգում է և հանրային մեծ հնչեղությամբ բազմաթիվ քաղաքական գործերով մեղադրական դատավճիռներ է կայացրել։ Հենց այս դատավորն էր, որ 2010 թվականի հունվարին 7 տարվա ազատազրկման դատապարտեց նախկին ընդդիմադիր գործիչ Նիկոլ Փաշինյանին, որն այդ օրերին և հեղափոխությունից հետո պնդում էր, թե խամաճիկային դատական համակարգն ապօրինի որոշմամբ կատարում է օրվա իշխանության պատվերը։

1990-ականների քննիչ, հետո դատախազ, իսկ 1999-ից մինչ օրս դատավոր աշխատած Մնացական Մարտիրոսյանը հայտնի դարձավ հենց մարտի 1-ից հետո՝ աղմկահարույց «7»-ի գործի քննությամբ։ Այս գործով անցնում էին Ալեքսանդր Արզումանյանը, Սասուն Միքայելյանը, Մյասնիկ Մալխասյանը, Գրիգոր Ոսկերչյանը, Շանթ Հարությունյանը, Սուրեն Սիրունյանը և Հակոբ Հակոբյանը։ Նրանք մեղադրվում էին 2008 թվականի մարտի 1-ին զանգվածային անկարգություններ կազմակերպելու համար։

Հայ ազգային կոնգրեսի ակտիվիստների գործերով մեղադրական դատավճիռների հեղիանակը ևս Մնացական Մարտիրոսյանն է։ Իսկ արդեն 2014 թվականին Մնացական Մարտիրոսյանը մեղադրական դատավճիռներ է կայացրել  հեղափոխության կոչերով փողոցային պայքարի դուրս եկած Շանթ Հարությունյանի և նրա համախոհների գործով։

Բարձրագույն դատական խորհրդի երեկվա որոշումից հետո հասարակական-քաղաքական տարբեր գործիչներ իշխանությանը և անձամբ վարչապետ Փաշինյանին հիշեցնում են այս գործերը և տարակուսանք հայտնում՝ ինչպե՞ս ստացվեց, որ դատական համակարգում նախկին իշխանության պատվերով դատավճիռներ կայացրած Մնացական Մարտիրոսյանը, պատասխանատվության ենթարկվելու փոխարեն, նշանակվում է նորաստեղծ դատարանի դատավոր։

2018 թվականից հետո բոլորն արդար աշխատելու շանս ունեն․ այսպես  է բացատրում Մարտիրոսյանի ընտրությունը ԱԺ «Քաղաքացիական պայմանագիր» խմբակցությունից Վիգեն Խաչատրյանը։

Մնացական Մարտիրոսյանի ընտրությունն իսպառ վերացրեց դատական համակարգի նկատմամբ հնարավոր վստահությունը՝ պնդում է ՀԱԿ վարչության անդամ Արմեն Խաչատրյանը։ Դատական համակարգում Կարեն Անդրեասյանի խոստացած երկրաշարժը սա՞ էր՝ հարցնում է ՀԱԿ անդամը։ Ընդամենը երկու ամիս առաջ ԲԴԽ նախագահ ընտրված Կարեն Անդրեասյանն այդ օրերին խոստանում էր ոչ միայն, այսպես ասած, երկրաշարժ։

Մամուլում այսօր եղան հրապարակումներ, թե Կարեն Անդրեասյանը ԲԴԽ-ում Մնացական Մարտիրոսյանին դեմ քվեարկած 3 անձանցից մեկն է։ ԲԴԽ լրատվական ծառայութունից հետաքրքրվեցինք՝ հաստատո՞ւմ են շրջանառվող լուրերը և արդյո՞ք Մարտիրոսյանի ընտրությունը տեղավորվում է արդար դատական համակարգ ունենալու՝ Անդրեասյանի պատկերացումների մեջ։ ԲԴԽ լրատվական ծառայությունից մեզ փոխանցեցին, որ քվեարկությունը խորհրդակցական սենյակի գաղտնիք համարվող տեղեկություն է և հրապարակման ենթակա չէ, իսկ մեր մյուս հարցի առնչությամբ փոխանցեցին՝ ԲԴԽ նախագահը հարցազրույցներ, մեկնաբանություններ չի տալիս։

Այս ընտրությամբ Հայաստանում դատաիրավական բարեփոխումները կարելի է համարել տապալված՝ ընդգծում է «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը։ Ըստ նրա՝ ԲԴԽ-ն ընտրություն անելիս հաշվի չի առել նաև Մնացական Մարտիրոսյանի բարեվարքությանն առնչվող Կոռուպցիայի կանխարգելման հանձնաժողովի, «Իրազեկ քաղաքացիների միավորման» և միջազգային փորձագետների բացասական եզրակացությունները։ Իոաննիսյանի կարծիքով՝ այս ընտրության վրա ազդեցություն է ունեցել նաև Ազգային անվտանգության ծառայությունը։

Ի դեպ, նոյեմբերի սկզբին հայտնի դարձավ, որ Մնացական Մարտիրոսյանին ԲԴԽ-ն այդպես էլ կարգապահական պատասխանատվության չի ենթարկի, քանի որ Խորհուրդը Արդարադատության նախարարության միջնորդությունը չի քննել սահմանված եռամսյա ժամկետում։ Ուշագրավ է, որ եթե դատավոր Մարտիրոսյանը կարգապահական պատասխանատվության ենթարկվեր և ստանար խիստ նկատողություն, այժմ չէր կարողանա ընտրվել Հակակոռուպցիոն դատարանի դատավոր։

Մանրամասները՝ տեսանյութում։

Շողիկ Գալստյան