Քաղաքականություն
21.11.2022 | 12:43
Հայաստանի էներգետիկ ոլորտի բարեփոխումների առանցքային բաղադրիչը երկրի էլեկտրաէներգիայի շուկան բացելն է մասնավոր հատվածի մրցակցության և ներդրումների համար։ ԱՄՆ ՄԶԳ-ն աջակցում է Հայաստանի կառավարությանը՝ 2023 թվականի փետրվարին մեկնարկել այս կարևոր գործընթացը․ տեղեկացնում են ԱՄՆ ՄԶԳ գրասենյակից։
«ԱՄՆ ՄԶԳ-ի Հայաստանի էներգետիկ անվտանգության ծրագրի միջոցով Հանրային ծառայությունները կարգավորող հանձնաժողովի 12 անդամներ վերապատրաստվել են էլեկտրաէներգիայի շուկայի կանոնների և Էլեկտրաէներգիայի փոխանակման շուկայի կառավարման ծրագրային ապահովման օգտագործման թեմաներով։
Այս ծրագիրը ստեղծվել է ԱՄՆ ՄԶԳ ֆինանսավորմամբ և փոխանցվել է էլեկտրաէներգիայի մեծածախ շուկայի օպերատորին՝ շուկայի ազատականացման գործընթացին ընդառաջ»,- ասված է հաղորդագրությունում։
