16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
PKK-ն հերքում է իր մասնակցությունը Ստամբուլում տեղի ունեցած պայթյունին. Reuters
Քաղաքականություն
14.11.2022 | 17:48
Քուրդիստանի աշխատավորական կուսակցությունը՝ PKK-ն, հերքում է իր ներգրավվածությունը Ստամբուլում տեղի ունեցած պայթյունին՝ նշելով, որ չի թիրախավորում քաղաքացիական անձանց։ Այս մասին ասվում է կազմակերպության տարածած հայտարարության մեջ, գրում է Reuters-ը։
«Մեզ համար բացառվում է որևէ կերպ խաղաղ բնակչության թիրախավորումը»,- հայտարարել է Քուրդիստանի աշխատավորական կուսակցությունը (PKK)՝ հերքելով Անկարայի պնդումները, թե իրենք և սիրիական քրդական YPG-ի զինյալները պատասխանատու են պայթյունի համար։
Հավելենք, որ Թուրքիայի իշխանությունները պայթյունի հեղինակ են համարում PKK-ին։ Ըստ նրանց՝ Ստամբուլի կենտրոնական Իսթիքլալ պողոտայում ահաբեկչությունն իրականացրել է Սիրիայի մի քաղաքացի, որն ուղարկվել է Քոբանի քաղաքից և կապված է PKK հետ։ Նա ձերբակալվել է։
Հավելենք, որ նախօրեին Ստամբուլի Իսթիքլալ պողոտայում տեղի ունեցած պայթյունի հետևանքով մահացել է 6, վիրավորվել՝ 81 մարդ։
Էմմա Չոբանյան
