13.04.2026 | 19:19
Մալխաս Ամոյան․ Լավ մարզավիճակում եմ Եվրոպայի առաջնությունից առաջ, կփորձեմ նվաճել 5-րդ ոսկե մեդալը
2023-ին անվանական ՀՆԱ-ն կանխատեսվում է 9,3 տրիլիոն դրամ․ իրական աճը կկազմի 7 %․ Բադասյան․ ՏԵՍԱՆՅՈՒԹ
Տնտեսություն
01.11.2022 | 13:28
2023 թվականի անվանական ՀՆԱ-ն կանխատեսվում է 9,3 տրիլիոն, ՀՆԱ-ի իրական աճը կանխատեսվում է 7 տոկոս՝ 2022 թվականի համար սպասվող 11 տոկոսի դիմաց։ Ազգային ժողովում 2023 թվականի պետական բյուջեի նախագծի քննարկման ժամանակ այս մասին հայտնեց ՀՀ պետական եկամուտների կոմիտեի նախագահ Ռուստամ Բադասյանը:
«Այս տարվա համար կանխատեսվող հարկային եկամուտները կազմելու են 1 տրիլիոն 920 միլիարդ դրամ, իսկ հարկեր-ՀՆԱ ցուցանիշը կանխատեսվում է 23,2-ի շրջանակներում»,- նշեց ՊԵԿ նախագահը։
Բադասյանն անդրադարձավ այն գործոններին, որոնք ազդում են լրացուցիչ հարկային եկամուտների վրա:
«Դրանք տնտեսական գործոններն են, երկրորդ խումբը օրենսդրական գործոններն են, մասնավորապես, մետաղի տուրքի մասին է խոսքը, երրորդ գործոնը վարչարարականն է», – նշեց Բադասյանը:
Նրա խոսքով՝ ամեն տարի 0,5 տոկոսային կետով վարչարարության հաշվին հարկեր-ՀՆԱ-ն պետք է կրճատվի:
«Ըստ ՊԵԿ-ի հաշվարկների՝ այս տարի մաքսատուրքի մասով պետք է լիներ շուրջ 115 միլիարդի մուտք, եթե այլ անոմալիաներ չլինեին: Մենք շուրջ 84,8 միլիարդով ավելի քիչ ենք ստանալու մաքսատուրք», – նշեց ՊԵԿ նախագահը:
Նրա խոսքով՝ Աայս տարվա առաջին ինն ամիսների ցուցանիշներով՝ ԱԱՀ-ի վերադարձը կազմել է 139,8 միլիարդ, իսկ եկամտային հարկը՝ 30,8 միլիարդ:
Մանրամասները՝ տեսանյութում։
