27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Մենք խոսում ենք իշխանությունների տված հրահանգով․ Ադրբեջանի Մեջլիսի պատգամավորի սկանդալային խոստովանությունը
Քաղաքականություն
31.10.2022 | 23:09
Ադրբեջանի Միլլի Մեջլիսի պատգամավորիներից մեկի սկանդալային հայտարարության ձայնագրությունն ակտիվորեն քննարկվում է սոցցանցերի ադրբեջանական տիրույթում։ Մասնավորապես, Abzas Media-ի կողմից հրապարակվել է Մեջլիս պատգամավոր Էլդար Գուլիևի ձայնագրությունը, որտեղ նա պատմում է, որ իշխանություններն իրենց են փոխանցում համապատասխան թեզերը, որոնց մասով իրենք պարտավորված են հարցազրույցներ տալ կամ հրապարակումներ անել։
«Թեզերը գալիս են նախագահի աշխատակազմից և Միլլի Մեջլիսից, որոնց հիման վրա մենք հարցազրույցներ ենք տալիս»,-պատմում է Գուլիևը։
Ի դեպ, Ադրբեջանի նախագահ Իլհամ Ալիևի՝ հոկտեմբերի 24-ին Վրաստան կատարած աշխատանքային այցից հետո Teleqraf.com-ին Գուլիևը, տրված հրահանգի համաձայն, հարցազրույց էր տվել՝ խոսելով այցի կարևորության մասին։
Ադրբեջանցի պատգամավորի այս խոստովանությունը ևս մեկ անգամ փաստում է, որ Ադրբեջանի իշխանությունները ամբողջովին վերահսկում են երկրի լրատվական, քաղաքական, փորձագիտական դաշտը՝ ստեղծելով ցանկալի իրականություն ու տրամադրություններ։ Հենց այս մեթոդով էլ նաև տարածվում են հայատյացությունն ու հակահայկական թեզերը։
Էմմա Չոբանյան
