21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Վաշինգտոնն ու Թբիլիսին քննարկում են Վրաստանի սպառազինության արդիականացման ծրագրերը
Քաղաքականություն
07.10.2022 | 20:12
Վրաստանի պաշտպանության նախարար (ՊՆ) Ջուանշեր Բուրճուլաձեն ընդունել է ԱՄՆ պետքարտուղարի սպառազինությունների վերահսկման և միջազգային անվտանգության հարցերով տեղակալ Բոնի Ջենկինսին: Այս մասին հայտնել է Վրաստանի ՊՆ-ն, փոխանցում է Aliq Media-ն:
ՊՆ-ի փոխանցմամբ, Բուրճուլաձեն շնորհակալություն է հայտնել ամերիկյան կողմին երեսուն տարվա աջակցության, պաշտպանական ուժերի զարգացման գործում ներդրած ավանդի համար և ընդգծել երկու երկրների միջև ռազմավարական գործընկերության կարևորությունը ընդհանուր արժեքների պաշտպանության և անվտանգության ընդհանուր շահերի ամրապնդման համար։
«Հանդիպմանը Վրաստանի ՊԲ կարողությունների մեծացման նպատակով քննարկվել են ՊԲ-ում իրականացվող բարեփոխումները, սպառազինության ու տեխնիկայի նորացման ուղղությամբ ձեռնարկված քայլերը, ապագա անելիքները»,- ասված է ՊՆ տարածած տեղեկատվության մեջ։
Նախարարության տեղեկատվության համաձայն՝ պաշտպանության ոլորտում Վրաստանի և ԱՄՆ-ի միջև համագործակցության խորացման և դինամիկ համագործակցության ամրապնդման գործընթացում կողմերը կենտրոնացել են ԱՄՆ-ի և Վրաստանի միջև ստորագրված «Վրաստանի պաշտպանության և զսպման հզորացման նախաձեռնություն» (GDDEI) համաձայնագրի վրա, որը ստորագրվել է անցյալ տարի ԱՄՆ պաշտպանության նախարարի պաշտոնական այցի շրջանակներում և նպաստում է Վրաստանի պաշտպանության նախարարության և պաշտպանության ուժերի հետագա արդիականացմանն ու զարգացմանը՝ ի պաշտպանություն անվտանգության ընդհանուր շահերի։
