21.04.2026 | 17:54
Եվրոպան ցանկանում է արդյունավետ կապեր Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով
Բաքվի սրտով չեն Ֆրանսիայի ԱԳ նախարարի՝ Երևանին աջակցող հայտարարությունները
Քաղաքականություն
07.10.2022 | 15:28
Պաշտոնական Բաքվին դուր չեն եկել Ֆրանսիայի Եվրոպայի ու արտաքին գործերի նախարար Կատրին Կոլոնայի՝ Հայաստանին սատարող հայտարարությունները։ Ադրբեջանական լրատվամիջոցների փոխանցմամբ՝ Ադրբեջանի ԱԳՆ մամուլի ծառայության ղեկավար Լեյլա Աբդուլլաևան հայտարարել է, որ Ֆրանսիան պետք է օբյեկտիվ ու չեզոք լինի։
«2022 թվականի հոկտեմբերի 5-ին Ֆրանսիայի Եվրոպայի և արտաքին գործերի նախարար Կատրին Կոլոնան, պատասխանելով Ֆրանսիայի Ազգային ժողովի հայամետ անդամի՝ Ադրբեջանին մեղադրող ու Հայաստանին մեծ աջակցություն ցուցաբերելու հարցին, համերաշխություն է հայտնել հայ ժողովրդի հետ ու արել անհիմն պնդումներ Ադրբեջանի հասցեին»,- ասել է Աբդուլլաևան։
Նա հավելել է, որ առաջին անգամ չէ, որ Ֆրանսիայի պաշտոնատար անձինք «հայամետ ու միակողմանի դիրքորոշում են ցուցաբերում»։
Ըստ Աբդուլլաևայի՝ Ֆրանսիայի նախագահ Էմանունել Մակրոնի՝ խաղաղության հասնելու ջանքերի ֆոնին, իբր, «Կոլոնայի միակողմանի ու անպատասխանտու հայտարարությունները տարակուսանք են առաջացնում»։
Էմմա Չոբանյան
