Քաղաքականություն
07.10.2022 | 14:00
Թուրքիայի նախագահ Ռեջեփ Թայիփ Էրդողանն այսօր հեռախոսազրույց է ունեցել ՌԴ նախագահ Վլադիմիր Պուտինի հետ, գրում է Անադոլու գործակալությունը։
Թուրքիայի նախագահի աշխատակազմը հայտնում է, որ նախագահները քննարկել են Անկարայի և Մոսկվայի միջև երկկողմ հարաբերությունների իրավիճակն ու հեռանկարները։
Տեղի է ունեցել մտքերի փոխանակում ՌԴ-ի և Ուկրաինայի միջև պատերազմի վերջին գործընթացների շուրջ։
Էրդողանը վերահաստատել է իր պատրաստակամությունը՝ ներդրում ունենալ ուկրաինական հարցի խաղաղ լուծման հարցում՝ երկու կողմերի շահերից ելնելով։
Էմմա Չոբանյան
