16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ճապոնիան ընդլայնել է ՌԴ-ի դեմ պատժամիջոցների ցանկը
Քաղաքականություն
07.10.2022 | 17:25
Ճապոնիայի կառավարությունն ընդլայնել է Ռուսաստանի Դաշնության դեմ պատժամիջոցների ցանկը՝ կապված այն բանի հետ, որ ինքնահռչակ Դոնեցկի և Լուգանսկի Հանրապետությունները, Զապորոժիեի և Խերսոնի շրջանները հանրաքվեներից հետո ներառվել են Ռուսաստանի կազմում։ Համապատասխան ցուցակը ուրբաթ հրապարակել է Ճապոնիայի Ֆինանսների նախարարությունը, գրում է ՏԱՍՍ-ը։
Թարմացված փաստաթղթում ներառված է 58 անհատ և 9 կազմակերպություն Ռուսաստանից, ինչպես նաև ևս 23 անձ, որոնք առնչություն ունեն Ռուսաստանի Դաշնության նոր սուբյեկտների հետ։ Նրանց նկատմամբ կկիրառվեն սահմանափակող միջոցներ, ինչպիսիք են ակտիվների սառեցումը:
Ճապոնական նոր պատժամիջոցները վերաբերում են, մասնավորապես, Չեչնիայի ղեկավար Ռամզան Կադիրովի հարազատներին, ՌԴ պաշտպանության նախարար Սերգեյ Շոյգուին, Դաշնային խորհրդի նախագահ Վալենտինա Մատվիենկոյին, ՌԴ վարչապետ Միխայիլ Միշուստինին, ՌԴ Անվտանգության խորհրդի փոխնախագահ Դմիտրի Մեդվեդևին, ինչպես նաև գեղարվեստական մարմնամարզության Ռուսաստանի օլիմպիական չեմպիոն Ալինա Կաբաևային:
Տաթև Ֆռանգյան
