08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
«Հյուսիսային հոսքերը» ոչնչացվել են դիտավորյալ պայթյունների միջոցով․ Շվեդիա
Քաղաքականություն
06.10.2022 | 21:43
Շվեդիայի իրավապահ մարմիններն ավարտել են «Հյուսիսային հոսք» և «Հյուսիսային հոսք 2» գազատարների պայթյունների վայրերի ստուգումը՝ ավելի ամրապնդելով այն կարծիքը, որ արտահոսքի պատճառը դիտավորյալ հարձակումն է եղել: Այս մասին հայտարարել է Շվեդիայի պետական անվտանգության ծառայությունը, գրում է DW-ի ռուսական ծառայությունը։
«Մենք կարող ենք հաստատել, որ պայթյուններ են տեղի ունեցել Շվեդիայի տնտեսական գոտում «Հյուսիսային հոսք» և «Հյուսիսային հոսք 2» գազատարներում, որոնք զգալի վնաս են հասցրել գազատարներին: Հանցագործության վայրի զննության արդյունքներն ուժեղացրել է լուրջ դիվերսիայի կասկածները», – ասվում է հաղորդագրության մեջ:
Պայթյունների վայրերի զննության ժամանակ շվեդ իրավապահները վերլուծության համար խորշեր են արել։
«Ընթացող նախաքննությունը պետք է ցույց տա՝ արդյո՞ք կարելի է որևէ մեկին կասկածյալ ճանաչել, ապա քրեական պատասխանատվության ենթարկել»,- ընդգծել են պետական անվտանգության ծառայությունում։
Այս պահին արտահոսքի հատվածում շղթան հանվել է։
Սեպտեմբերի վերջին, ընդհանուր առմամբ, չորս արտահոսք է հայտնաբերվել «Հյուսիսային հոսք»-ի երկու ճյուղերի վրա, այնուհետև «Հյուսիսային հոսք 2»ում: Մինչ այս Շվեդիայի և Դանիայի սեյսմոլոգիական կայանները նույն տարածքում ուժեղ ստորջրյա պայթյուններ էին գրանցել։
Տաթև Ֆռանգյան
