21.04.2026 | 20:43
Անցած տարվա ծնունդի նվերն է հեռուստացույցը, որը չէի կարողացել տալ. Գոհար Ղումաշյան. ՏԵՍԱՆՅՈՒԹ
ՀԱՊԿ-ում պարզաբանել են, թե ինչու կազմակերպության գլխավոր քարտուղարը չի հանդիպել Փաշինյանին
Քաղաքականություն
27.09.2022 | 19:10
ՀԱՊԿ գլխավոր քարտուղար Ստանիսլավ Զասը Հայաստանում իր առաքելության ընթացքում չի հանդիպել վարչապետ Նիկոլ Փաշինյանի հետ, քանի որ վերջինն այդ ժամանակ եղել է ՄԱԿ-ի Գլխավոր վեհաժողովում։ ՌԻԱ Նովոստիին այս մասին ասել է ՀԱՊԿ մամուլի քարտուղար Վլադիմիր Զայնետդինովը։
Ավելի վաղ ՀԱՊԿ առաքելությունը Հայաստան էր ժամանել սեպտեմբերի 13-ին՝ ՀԱՊԿ Հավաքական անվտանգության խորհրդի արտահերթ նիստի որոշման համաձայն։
Առաքելությունը մի շարք հանդիպումներ է ունեցել Հայաստանի ղեկավարների հետ և այցելել Ադրբեջանի հետ սահման, սակայն տեղական լրատվամիջոցները նշել են, որ առաքելությունը Փաշինյանի հետ հանդիպում չի ունեցել։
«Գլխավոր քարտուղարը (ՀԱՊԿ) չի շփվել Փաշինյանի հետ, քանի որ նա այդ ժամանակ մեկնել էր Նյու Յորք՝ մասնակցելու ՄԱԿ-ի Գլխավոր վեհաժողովի 77-րդ նստաշրջանին»,- ասել է Զայնետդինովը։
Տաթև Ֆռանգյան
