09.10.2026 | 16:19
Սպանության նախապատրաստության գործով 4 անձ է ձերբակալվել․ իրավապահները կանխել են հանցագործությունը
Վրաստանը հայտարարել է, որ մտադիր չէ փակել ՌԴ-ի հետ սահմանը
Քաղաքականություն
27.09.2022 | 15:44
Վրաստանը Ռուսաստանի հետ սահմանը փակելու և ռուսաստանցիների մուտքը սահմանափակելու պատճառ չունի։ Այս մասին հայտարարել է ՆԳ նախարար Վախթանգ Գոմելաուրին, գրում է ՌԻԱ Նովոստին։
Վրացական ընդդիմադիր հեռուստատեսությունը և Telegram հեռուստաալիքներն ավելի վաղ տեղեկություն էին տարածել այն մասին, որ վերջին շրջանում երկիր է ժամանել մոտ 250 հազար ռուսաստանցի։
«Ինչ վերաբերում է Ռուսաստանի ենթադրյալ 250.000 քաղաքացիներին, ապա դա ճիշտ չէ: Այդքան մարդ չի եկել, չգիտեմ՝ որտեղից են այս թվերը: Մոտավորապես չորս-հինգ օր առաջ 5-ից 6 հազար ժամանող էր, հիմա այս ցուցանիշը հասել է 10 հազարի՝ մոտ 40-45%-ով ավելի։ Օրինակ՝ նախօրեին 11,2 հազար մարդ է եկել, երեկ երեկոյան՝ 10 հազարից պակաս։ Ռուսաստանի քաղաքացիները միշտ եկել են Վրաստան։ Հիմա էլ կգան։ Ինչո՞ւ է պետք հենց հիմա սահմանափակել նրանց մուտքը»,- լրագրողներին ասել է Գոմելաուրին։
Պաշտոնյայի խոսքով՝ Վրաստանի տարածք մուտք գործել ցանկացող ռուսների մեծ հոսք է նկատվում «Կազբեգի-Վերին Լարս» ցամաքային սահմանին։
Տաթև Ֆռանգյան
