05.08.2026 | 17:12
Ես կերազեմ, որ ինչ-որ մի օր իմ պարտքը լինի ոչ թե 32 մլն դրամ, այլ 32 մլրդ դոլար․ Սիսակ Գաբրիելյան․ ՏԵՍԱՆՅՈՒԹ
Էրդողանն ու Ալիևը հայերին անվանում են «սրի մնացորդներ» և ցանկանում են ավարտին հասցնել ցեղասպանությունը․ Վալերի Բուայե
Քաղաքականություն
27.09.2022 | 13:20
Ֆրանսիայի Սենատի պատգամավոր Վալերի Բուայեն ՀՀ վարչապետ Նիկոլ Փաշինյանի՝ Ֆրանսիա կատարած այցի շրջանակում պատասխանել է ֆրանսիական cnews.fr-ի հարցերին ու դատապարտել Էրդողանի ցեղասպանական ծրագիրը։
«Այն, ինչ ուզում են անել Ալիևը և նրա դաշնակից Էրդողանը, գործն ավարտին հասցնելն է, նրանք հայերին անվանում են «սրի մնացորդներ» և ցանկանում են ավարտին հասցնել ցեղասպանությունը»,- լրագրողի հարցին ի պատասխան՝ ասել է Վալերի Բուայեն։
Ի դեպ, ֆրանսիացի օրենսդիրը սոցցանցերում ի պաշտպանություն Հայաստանի շարժում է սկսել։
«Հրավիրում եմ Ֆրանսիային՝ մեծ շարժում սկսել հանուն Հայաստանի։ Չի կարող երկակի ստանդարտ կիրառվել Ռուսաստանի կողմից հարձակման ենթարկված Ուկրաինայի և Ադրբեջանի կողմից հարձակման ենթարկված Հայաստանի դեպքում»,- գրել է Բուայեն՝ հեշթեգերում նշելով՝ «#Պաշտպանենք Հայաստանը», «#Կանգնենք Հայաստանի կողքին»։
