27.06.2026 | 11:13
84 տարեկանում մահացել է երգչուհի Ռաիսա Մկրտչյանը
Գյումրիում կրակոցներ են հնչել․ 102-րդ ռազմաբազայից հորդորում են խուճապի չմատնվել
Հասարակություն
23.09.2022 | 20:52
Այսօր ժամը 17․00-ի սահմաններում Գյումրիում կրակոցի ձայներ էին լսվել։ Գյումրեցիներից մի քանիսը սոցիալական ցանցերում հետաքրքրվել էին, թե ինչ է կատարվում, ոմանք նշել էին, թե կրակոցի ձայները լսել են Գյումրու կենտրոնական հատվածից՝ Հաղթանակի պողոտայից, ոմանք էլ՝ ծայրամասային «Մուշ» թաղամասից։
Քիչ առաջ Գյումրու համայնքապետարանը ֆեյսբուքյան էջում փոխանցեց քաղաքում տեղակայված ռուսական 102-րդ ռազմաբազայի պաշտոնական պարզաբանումը, որտեղ նշված է․ «
Հարգելի համաքաղաքացիներ,
Ինչպես տեղեկացնում են Գյումրիում տեղակայված ռուսական 102 ռազմաբազայից՝ յուրաքանչյուր ուրբաթ ժամը՝ 16:00-18:00-ն, ռուսական 102 ռազմական բազայի զինվորական տարածքներում, զորքերի մարտունակության պահպանման համար անցկացվում են զորավարժանքներ:
Մեր ազգաբնակչությանը հորդորում ենք, քաղաքի տարածքում կրակոցների ձայներ լսելիս խուճապի չմատնվել»:
Տեղեկացնենք, որ նույն պատմությունը տեղի էր ունեցել նախորդ ուրբաթ, դարձյալ կրակոցի ձայներ էին լսվել, քաղաքացների շրջանում խուճապ էր սկսվել, մինչև որ իրավապահները պարզաբանել էին, թե զորավարժություններ են տեղի ունենում ռազմաբազայում։
Արմիկ Մովսիսյան
