23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Ուկրաինայի օկուպացված հատվածներում սկսվել են «հանրաքվեները»․ միջազգային հանրությունը հայտարարել է դրանք չճանաչելու մասին
Քաղաքականություն
23.09.2022 | 21:09
Ուկրաինայի Լուգանսկի, Դոնեցկի, Զապորոժիեի և Խերսոնի շրջանների օկուպացված հատվածներում սկսվել են Ռուսաստանին միանալու հարցով «հանրաքվեները»։ Դրանք կտևեն մինչև երկուշաբթի ներառյալ, գրում է VOA-ն։
Քվեարկություններն ընթանում են այսպես Լուգանսկի ու Դոնեցկի ինքնահռչակ հանրապետություններում, ինչպես նաև՝ Զապորոժիեի ու Խերսոնի մարզերում։ Ռուսական օկուպացիոն ուժերը հայտարարել են, որ քվեարկությունները կիրականացվեն տնամերձ հատվածներում, ինչպես նաև բնակիչների հասցեներ շրջայցերի միջոցով։ Քվեարկությունների վերջին օրը՝ սեպտեմերի 27-ին կբացվեն նաև ընտատեղամասերը, «հանրաքվեի» նման սխեման բացատրվում բնակիչների անվտանգության նկատառումներով։
Այսպես կոչված, ընտրական հանձնաժողովները սկսել են աշխատել առավոտյան ժամը 8-ից։ Քվեարկություններ տեղի կունենան նա ՌԴ տարածքում։
Բնակչությանն առաջարվող քվեաթերթիկներում միայն մեկ հարց է առաջադրված՝ ցանկանում են արդյո՞ք նրանք, որպեսզի այդ շրջանները միանան Ռուսաստանին։ Իր հերթին Զապորոժիեի ու Խերսոնի մարզերում նաև հարցադրում կա՝ արդյո՞ք նրանք ցանկանում են դուրս գալ Ուկրաինայի կազմից՝ առանձին պետություն ստեղծել՝ հետագայում ՌԴ-ի կազմի մեջ մտնելու համար։
Արևմտյան առաջնորդներն արդեն հայտարարել են, որ չեն ճանաչի «հանրաքվեի» արդյունքները։
Ավելի վաղ պետքարտուղար Էնթոնի Բլինքենը հայտարարել էր, որ Միացյալ Նահանգները երբեք չի ճանաչի Ուկրաինայում Ռուսաստանի ֆիկտիվ հանրաքվեները, ինչպես նաև Ռուսաստանի Դաշնության կողմից ուկրաինական տարածքի բռնակցմանն ուղղված ցանկացած քայլ։
Նմանատիպ հայտարարություն էր արել նաև Եվրահանձնաժողովի նախագահ Ուրսուլա ֆոն դեր Լեյենը, որն ասել է, որ Եվրամիությունը «երբեք չի ճանաչի Ռուսաստանի փորձերը՝ օրինականացնել Ուկրաինայի տարածքների անօրինական և անխիղճ օկուպացիան»։
Տաթև Ֆռանգյան
