10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Հայաստանի դեմ Ադրբեջանի հարձակումը քննարկել են ԵԱՀԿ եռյակի ԱԳ նախարարներն ու կազմակերպության գլխավոր քարտուղարը
Քաղաքականություն
23.09.2022 | 18:49
ԵԱՀԿ գործող նախագահ և Լեհաստանի արտգործնախարար Զբիգնև Ռաուն, Շվեդիայի ԱԳ նախարար Անն Լինդը և Հյուսիսային Մակեդոնիայի արտգործնախարար Բուջար Օսմանին, որոնք ներկայացնում են ԵԱՀԿ Եռյակը և կազմակերպության գլխավոր քարտուղար Հելգա Մարիա Շմիդը, հանդիպել են ՄԱԿ-ի Գլխավոր Ասամբլեայի 77-րդ նստաշրջանի շրջանակում, տեղեկանում ենք ԵԱՀԿ պաշտոնական կայքից։
Հանդիպման ընթացքում քննարկվել է Ուկրաինայի դեմ Ռուսաստանի շարունակվող ագրեսիան։ Բացի այդ՝ քննարկման թեմաներից է եղել Ադրբեջանի ագրեսիան Հայաստանի դեմ։ «Հանդիպման առանցքում է եղել նաև Հայաստանի և Ադրբեջանի միջև ռազմական գործողությունների վերջին սրացումը։ Եռյակի նախարարներն ու գլխավոր քարտուղարը քննարկել են տարածաշրջանում ԵԱՀԿ ավելի մեծ ներգրավվածության հնարավորությունները։ Նրանք համաձայնել են ԵՄ-ի կողմից աջակցվող խաղաղ բանակցությունների արդիականության շուրջ և հիշեցրել տարածաշրջանում ԵԱՀԿ-ի փորձն ու գործիքները»,-ասվում է հայտարարության մեջ։
Էմմա Չոբանյան
