10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ռուսական ավիաընկերությունների բազմաթիվ աշխատակիցներ զորակոչի ծանուցագրեր են ստացել
Քաղաքականություն
23.09.2022 | 21:11
Առնվազն հինգ ռուսական ավիաընկերությունների, այդ թվում՝ «Աերոֆլոտ» խմբի և ավելի քան տասը օդանավակայանների աշխատակիցներ սեպտեմբերի 21-ին Ռուսաստանում մոբիլիզացիա հայտարարվելուց հետո ծանուցագրեր են ստացել: Այս մասին գրում է «Կոմերսանտ» թերթը՝ վկայակոչելով սեփական աղբյուրները, գրում է Մեդուզան ։
Ավիացիոն ոլորտից պատմել են, որ ավիաընկերությունների շատ օդաչուներ պահեստազորի սպաներ են, որոնք ուսանել են ռազմական հաստատություններում:
Երեք ընկերությունների աղբյուրները հայտնել են, որ աշխատակիցների 50-80%-ը կարող է մոբիլիզացվել: «Աերոֆլոտ» խմբին մոտ կանգնած աղբյուրը ենթադրում է, որ մոբիլիզացիան կազդի բուն ընկերության անձնակազմի կեսից ավելիի, ինչպես նաև նույն խմբի մաս կազմող «Պոբեդայի» և «Ռոսիայի» վրա:
Թերթի կողմից հարցված առնվազն հինգ ավիաընկերություններ ուսումնասիրում են, թե ինչպես պետք է իրականացնել աշխատակիցների ամրագրում, որոնք անհրաժեշտ են գործունեությունը շարունակելու համար: «Աերոֆլոտ»-ը աշխատանքային խմբեր է ստեղծել, որոնք մի շարք մասնագիտությունների համար «ամրագրումների» ցուցակներ են կազմելու։
Aeroflot, S7, UTair, Ural Airlines, Red Wings և այլ փոխադրողներ ձեռնպահ են մնացել պաշտոնական մեկնաբանություններից։ Տրանսպորտի նախարարությունը և օդային տրանսպորտի դաշնային գործակալությունը չեն պատասխանել լրագրողների հարցերին։
Տաթև Ֆռանգյան
