25.06.2026 | 21:15
ՌԴ մուտքի արգելք՝ քաղաքական հայացքների համա՞ր․ ինչ է առաջարկում Մարգարիտա Սիմոնյանը
Մինչև Սուրբ Ծնունդ Ֆինլանդիան և Շվեդիան կդառնան ՆԱՏՕ-ի անդամ․ Հելսինկիում ԱՄՆ դեսպան
Քաղաքականություն
23.09.2022 | 15:00
Ֆինլանդիան և Շվեդիան մինչև Սուրբ Ծնունդ պաշտոնապես կդառնան ՆԱՏՕ-ի անդամ։ Այս մասին լրագրողների և փորձագետների հետ հանդիպմանն ասել է Ֆինլանդիայում ԱՄՆ դեսպան Դուգլաս Հիքին, գրում է POLITICO-ն։
ՆԱՏՕ-ի 30 անդամներից երեքը դեռևս պետք է վավերացնեն դաշինքին երկու երկրների անդամակցության հայտերը: Ակնկալվում է, որ Սլովակիան կանաչ լույս կվառի, մինչդեռ Հունգարիան և Թուրքիան շարունակում են իրենց քաղաքականությունը։
Դուգլաս Հիքին, որն ապրիլին է ստանձնել իր պաշտոնը, նշել է, որ դրական է տրամադրված, որ ՆԱՏՕ-ն մինչև տարեվերջ կունենա 32 անդամ։ Հունգարացի գործընկերոջ հետ ունեցած զրույցները ամերիկացի դիվանագետին ստիպել են հավատալ, որ շուտով դրական քվեարկություն կլինի։
Հիքին, միաժամանակ, կարծում է, որ Թուրքիայի նախագահ Ռեջեփ Թայիփ Էրդողանը չի ցանկանա լինել մենակ, ինչը խթան կհանդիսանա առաջ շարժվելու։
«Չեմ կարծում, թե նա ցանկանում է չափազանց երկար մնալ մեկուսացած»,- ասել է դեսպանը։
Էմմա Չոբանյան
