25.06.2026 | 20:13
Ընտրական ցենզ սահմանելու փոփոխություններն օրինական ու սահմանադրական չեն․ Արամ Վարդևանյան. ՏԵՍԱՆՅՈՒԹ
Ուկրաինայի ԶՈւ-ն գրոհում է Դոնեցկի շրջանի Լիման քաղաքը․ բրիտանական հետախուզություն
Քաղաքականություն
23.09.2022 | 14:01
Մեծ Բրիտանիայի հետախուզությունը Ուկրաինայի պատերազմում իրավիճակի հետ կապված վերջին զեկույցում նշում է, որ վերջին երեք օրվա ընթացքում ուկրաինական ուժերը գրավել են Խարկովի մարզի Օսկոլ գետի արևելյան ափին գտնվող կամուրջները, որոնց վրա ռուսական զորքերը փորձում էին ամրացված պաշտպանական գիծ կառուցել՝ սեպտեմբերի սկզբին իրենց նահանջից հետո, գրում է BBC-ի ռուսական ծառայությունը։
Նշվում է, որ Դոնեցկի շրջանից հարավ ռազմական գործողությունները շարունակվում են, ուկրաինական ուժերը գրոհում են Լիման քաղաքը, որը ռուսները գրավել են մայիսին։
Բրիտանական հետախուզության տվյալներով՝ մարտի դաշտում իրավիճակը մնում է բարդ, սակայն հիմա Ուկրաինան ճնշում է գործադրում այն տարածքի ուղղությամբ, որի նկատմամբ վերահսկողությունն անհրաժեշտ է Ռուսաստանին՝ իր ռազմական նպատակները կատարելու համար։
Էմմա Չոբանյան
