09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պլանը գերակատարվել է․ Կադիրովը հայտարարել է, որ Չեչնիայում մոբիլիզացիա չի լինի
Քաղաքականություն
23.09.2022 | 14:22
Չեչնիայի ղեկավար Ռամզան Կադիրովը հայտարարել է, որ հանրապետությունում մոբիլիզացիա չի իրականացվի, քանի որ Չեչնիան «պատերազմի ժամանակ «պլանը գերակատարել է», գրում է DW-ի ռուսական ծառայությունը։
Կադիրովի խոսքով՝ Ուկրաինայում պատերազմի ընթացքում 20,000 չեչեն է մասնակցել ռազմական գործողություններին, ուստի հանրապետությունը «254 տոկոսվ գերակատարել է պլանը»։ Նա չի նշել, թե ինչ պլանի մասին է խոսքը։
Կադիրովը նաև հայտնել է, որ երկրում կա «հազարավոր կամավորների ռեզերվ, որոնք անհրաժեշտության դեպքում կարող են գնալ պատերազմի»։
«Բնակիչները նույնիսկ չեն էլ կասկածել, որ նման հարցեր կարող են առաջանալ, իսկ մենք արդեն ամեն ինչ լուծել ենք»,- ասել է Ռամզան Կադիրովը՝ կոչ անելով բնակչությանը հանգստություն պահպանել։
Նա նաև պատմել է, որ նախորդ օրը Գրոզնիում հակապատերազմական ցույց անցկացնելու փորձ կատարած մոտ 40 կանանց հարազատներն արդեն մոբիլիզացվել են և ուղարկվել Ուկրաինա։
Հիշեցնենք, որ ՌԴ նախագահ Վլադիմիր Պուտինը երկրում մասնակի մոբիլիզացիա է հայտարարել։
Էմմա Չոբանյան
