01.07.2026 | 18:32
Հանրային ներդրումային կոմիտեն հաստատել է մետրոպոլիտենի, էլեկտրական տրանսպորտի և Սևանի կեղտաջրերի կառավարման ծրագրերը
Բլինքենը կոչ է արել աշխարհին` պատժել Պուտինին
Քաղաքականություն
23.09.2022 | 13:04
Ռուսաստանի Դաշնությունը քանդում է «այն միջազգային կարգը, որի պահպանման համար» աշխատում է ՄԱԿ-ի Անվտանգության խորհուրդը: CNN-ի փոխանցմամբ՝ այս մասին հայտարարել է ԱՄՆ պետքարտուղար Էնթոնի Բլինքենը։
«Աշխարհը չի կարող թույլ տալ, որ նախագահ Վլադիմիր Պուտինը դրա համար պատասխանատվություն չկրի: Այն, ինչ Պուտինն ընտրեց այս շաբաթ, երբ աշխարհի մեծ մասը հավաքվում է ՄԱԿ-ում, որպեսզի յուղ լցնի իր կողմից բորբոքած կրակի վրա, ցույց է տալիս նրա կատարյալ արհամարհանքը ՄԱԿ-ի, ՄԱԿ-ի Գլխավոր վեհաժողովի Կանոնադրության և այս Խորհրդի նկատմամբ»,- ասել է ԱՄՆ պետքարտուղար Էնթոնի Բլինքենը։
Նրա խոսքով՝ հավաքական Արևմուտքը պետք է Պուտինին կոչ անի դադարեցնել «այն սարսափը, որը նա սկսել է»։
«Ասեք նրան, որպեսզի դադարեցնի իր շահերը վեր դասել մնացած աշխահի շահերից, այդ թվում՝ սեփական ժողովրդի»,- հայտարարել է քաղաքական գործիչը։
Ընդ որում, նա հիշեցրել է՝ «որտեղից էլ նահանջել է ռուսական ալիքը, հայտնաբերել են սարսափ, որը թողնում են իրենցից հետո՝ Բուչա, Իրպեն, Իզյում»։
Բլինքենը նաև մատնանշել է պատերազմի ազդեցությունը համաշխարհային պարենային անվտանգության վրա և քննադատել ռուսական ապատեղեկատվությունը ԱՀԿ-ի կողմից հաստատված պատվաստանյութերի արդյունավետության վերաբերյալ:
ԱՄՆ պետքարտուղարը հայտարարել է, որ Ուկրաինայում լայնամասշտաբ ներխուժում պլանավորելով՝ ՌԴ նախագահ Վլադիմիր Պուտինը կցանկանար հաջողության հասնել միանգամից մի քանի շրջաններում, սակայն արդեն հիմա պարզ է, որ նա «պարտվել է իր կողմից արված յուրաքանչյուր խաղադրույքում»։
