16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Հայաստանն Ադրբեջանին մեղադրում է անասելի վայրագությունների մեջ․ ավստրիական Der Standard-ը՝ ՄԱԿ-ում Փաշինյանի ելույթի մասին
Քաղաքականություն
23.09.2022 | 14:46
Ավստրիական հայտնի Der Standard պարբերականն անդրադարձել է ՄԱԿ-ում ՀՀ վարչապետ Նիկոլ Փաշինյանի ելույթին՝ հատկապես ուշադրությունը սևեռելով Ադբեջանի կողմից ռազմական հանցագործությունների վրա։
Լրատվականը գրում է, որ Հայաստանի և Ադրբեջանի միջև էսկալացիայի սրացումից հետո Հայաստանի վարչապետ Նիկոլ Փաշինյանը ՄԱԿ-ի ամբիոնից հարևան պետությանը մեղադրել է «անասելի վայրագությունների» մեջ։
«Կան խոշտանգումների, գերեվարված կամ արդեն սպանված զինվորների անդամահատման, ռազմագերիների նկատմամբ բռնությունների մասին վկայություններ»,- ՄԱԿ-ում ունեցած ելույթում ասել է Փաշինյանը։
Նա հավելել է, որ հայ զինվորի դիակը «խեղել և տեսանկարահանել են ադրբեջանցի զինվորները»։
«Նման անասելի վայրագություններն Ադրբեջանի ղեկավարության տասնամյակների վարած քաղաքականության ուղղակի արդյունքն են, որը հայատյացություն է սերմանում երկրի հասարակության մեջ»,- ասել է ՀՀ վարչապետը։
Լրատվականը նաև մեջբերում է Փաշինյանի այն խոսքերը, որ Բաքու խախտել է Հայաստանի ինքնիշխանությունն ու տարածքային ամբողջականությունը, հրետակոծել քաղաքացիական ենթակառուցվածքները, որի պատճառով 7․600 մարդ տարհանվել է։
Der Standard-ը նշում է, որ Ադրբեջանի ԱԳ նախարարը նույնպես ներկա է եղել և լսել է Փաշինյանի խոսքերը։ Նա ելույթ է ունենալու շաբաթավերջին։
Էմմա Չոբանյան
