Գեղարքունիքի թերևս սահմանապահ դարձած Կուտական համայնքի բնակիչներից քիչ առաջ ստացա ահազանգ. թշնամին հրաձգային զինատեսակներից կրակ է բացել տեղի հայկական դիրքերի ուղղությամբ, իսկ Կուտական համայնքի բնակիչները գտնվում են ադրբեջանցիների տեսադաշտում․ ֆեյսբուքյան գրառմամաբ տեղեկացնում է ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական պատգամավոր Թագուհի Թովմասյանը։
«Այս պահին ընթանում է փոխհրաձգություն, զոհերի, վիրավորների մասին տեղեկություն առկա չէ»,- գրել է նա, ապա հայտնել, որ ժամը 09.25 դրությամբ կրակոցները դադարել են։
Factor.am-ի հետ զրույցում Կուտականի գյուղապետ Մակիչ Թովմասյանը նշեց, որ 1 ժամ առաջ 5 րոպե տևոսությամբ կրակահերթ է եղել:
«Փոքր մասշտաբի զենքերով խփել են: Վնասներ չկան: Այս պահին հանդարտ է: Գյուղից երեխաները, կանայք տարհանված են, տղաները հերթապահություն են իրականացնում,- նշեց համայնքապետը:
