16.01.2026 | 22:40
Ժաննա Անդրեասյանին շնորհվել է Մատենադարանի երախտագիտության մեդալ
ՀՀ զինված ուժերը գտնվում են առաջին աստիճանի պատրաստվածության վիճակում. Արամ Սարգսյան. ՏԵՍԱՆՅՈՒԹ
Քաղաքականություն
20.09.2022 | 18:18
«ՀՀ սահմաններում կուտակումները դեռևս շարունակվում են, հակառակորդի զորքերը դեռևս հետ չեն քաշվել, և ՀՀ զինված ուժերը գտնվում են առաջին աստիճանի պատրաստվածության վիճակում»,- Կառավարությունում վարչապետ Նիկոլ Փաշինյանի և արտախորհրդարանական քաղաքական ուժերի համագործակցության խորհրդակցական ժողովից հետո լրագրողների հետ զրույցում այս մասին հայտարարեց «Հանրապետություն» կուսակցության նախագահ Արամ Սարգսյանը:
«Կլինի նոր սահմանային բախում, թե ոչ․ ես համարում եմ, որ Նենսի Փելոսիի Հայաստան կատարած այցից հետո այդ ռիսկը կտրուկ նվազել է, դրա հավանականությունը շատ քիչ է։
Պատերազմն, իհարկե, չի ավարտվել, բայց չպետք է հավատալ ասեկոսեներին։ Քանի դեռ ԱՄՆ չի հայտարարել, որ իր քաղաքացիները լքեն Հայաստանը ռազմական իրավիճակի պատճառոով, պատերազմի մասին բամբասանքներին չպետք է հավատալ»,- նշեց Սարգսյանը։
«Այս երկրում թիմ կա, որ արդեն երկու տարի է գիշեր-ցերեկ երկրի տարբեր հատվածներ ու անկլավները հանձնելուց է խոսում, պատերազմը չսկսած՝ ասում էր՝ հողերը ծախել են, Ղարաբաղը ծախել են, նրանց չի հետաքրքրում, թե ինչ կմտածի սահմանին կանգնած զինվորը։ Այս դավաճանական թիմը իշխանություն վերցնելու խնդիր ունի»,- հավելեց «Հանրապետություն» կուսակցության նախագահը։
Արամ Սարգսյանի կարծիքով՝ ստեղծված իրավիճակից դուրս գալու համար անհրաժեշտ է ՀԱՊԿ-ից դուրս գալ և նորմալ զենք առնել։
Մանրամասները՝ տեսանյութում։
