16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
ԱՄՆ-ը կոնկրետ առաջարկ է արել ՀՀ-ին և Ադրբեջանին, որ մինչև ամսվա վերջ կպատասխանեն․ ի՞նչ կանի ԱՄՆ-ն, եթե Բաքուն և Երևանը չհամաձայնվեն․ Հակոբ Բադալյան. ՏԵՍԱՆՅՈՒԹ
Քաղաքականություն
20.09.2022 | 21:02
Քաղաքական մեկնաբան Հակոբ Բադալյանը Factor TV-ին տված հարցազրույցում «հանցավոր մոլորություն» է որակում ՀՀ-ում եղած այն սպասումները, թե ՌԴ-ն հավանական ռազմական գործողություններում կկռվի Հայաստանի կողմից Ադրբեջանի դեմ․ «ՌԴ-ն ռազմական աջակցություն կտա ՀՀ-ին, երբ սպառնալիք լինի իր շահերին»։
Նա այս տասնամյակները կորսված է համարում՝ այս բանաձևին լուծումներ և բանաձևեր գտնելու իմաստով։ Ամերիկյան բարձրաստիճան պաշտոնյա Նենսի Փելոսիի այցը Հայաստան և ամերիկյան ակտիվությունը Հարավային Կովկասի հարցերում Հակոբ Բադալյանը դիտարկում է ՌԴ-ին տարածաշրջանից դուրս մղելու գործողության համատեքստում, և հարց է բարձրացնում՝ եթե այդ պրոցեսին մասնակից է դառնում նաև Հայաստանը, արդյո՞ք Վաշինգտոնը պատրաստվում է չեզոքացնել Կրեմլից սպասվող հակազդեցության ռիսկերը Վրաստանի և Հայաստանի համար։
Ուղիղ դիմակայությունը Մոսկվա-Երևան ճակատում նա վտանգավոր է համարում՝ նշելով, որ ՌԴ-ն ինչքան էլ թուլանա Ուկրաինայի դեմ սկսած իր պատերազմի հետևանքով, այդուհանդերձ, ՀՀ-ի նկատմամբ պահպանելու է ազդեցության որոշակի մակարդակ, ըստ այդմ՝ ուղիղ առճակատումը, Բադալյանի գնահատմամբ, ռիսկեր է ենթադրում։
Հարցազրույցն ամբողջությամբ՝ տեսանյութում։
Ռոբերտ Անանյան
