09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Վահան Քերոբյանն ընդունել է Հայաստանում Նիդերլանդների դեսպանին
Քաղաքականություն
20.09.2022 | 16:13
ՀՀ Էկոնոմիկայի նախարար Վահան Քերոբյանն ու նախարարի տեղակալ Արմեն Արզումանյանը սեպտեմբերի 15-ին ընդունել են Հայաստանում Նիդերլանդների Թագավորության արտակարգ և լիազոր դեսպան Նիկո Սխերմերսին․ տեղեկացնում են ՀՀ էկոնոմիկայի նախարարությունից։
Դեսպանը նշել է, որ տնտեսական համագործակցությունը Հայաստանի և Նիդերլանդների միջև զարգանալու լուրջ ներուժ ունի, և անհրաժեշտ է գրանցել այնպիսի արդյունքներ, որոնք կգոհացնեն երկու կողմերին։
Զրուցակիցները մտքեր են փոխանակվել Հայաստանի ներդրումային միջավայրի, գյուղատնտեսության և զբոսաշրջության ոլորտներում համագործակցությունը խորացնելու վերաբերյալ։
Նախարարը դեսպանին է ներկայացրել Հայաստանում այժմ իրականացվող «Մայլեռ» լեռնադահուկային բազմաֆունկցիոնալ համալիրի և «Գագարին» բնակավայրերի համայնքային զարգացման խոշոր ներդրումային ծրագրերը։
Նիկո Սխերմերսը պատրաստակամություն է հայտնել նիդերլանդական ընկերություններին տեղեկացնել Հայաստանի ներդրումային հնարավորությունների մասին և ակտիվ աշխատել փոխգործակցության խթանման ուղղությամբ:
Քննարկվել է նաև հայ-ադրբեջանական սահմանին ստեղծված իրավիճակը։
