15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ՀՀ ՔՏՀԱ տեսչական մարմինը տուգանել է կառուցապատողին՝ համապատասխան լիցենզիա չունեցող անձանց միջոցով շինարարություն կատարելու համար
Տնտեսություն
20.09.2022 | 15:40
2022թ․ Երևան քաղաքի Լուկաշինի փողոց, 55 տուն հասցեում ավարտված շինարարական օբյեկտի շահագործման ընդունող հանձնաժողովի ակտ տրամադրելու համար ՀՀ քաղաքաշինության, տեխնիկական և հրդեհային անվտանգության տեսչական մարմնի կողմից կատարված ուսումնասիրության արդյունքում՝ ՏՄ Երևանի տարածքային բաժնի կողմից՝ նշված հասցեում քաղաքաշինության բնագավառում իրավախախտում կատարելու վերաբերյալ կազմվել է համապատասխան արձանագրություն. տեղեկացնում են ՔՏՀԱ-ից։
«Ըստ այդմ՝ կառուցապատող Ս․ Գասպարյանը ՀՀ օրենսդրությամբ սահմանված կարգով լիցենզավորման ենթակա շինարարական աշխատանքներն իրականացրել է առանց համապատասխան լիցենզիա ունեցող անձանց միջոցով, իսկ այդ խախտման համար Վարչական իրավախախտումների վերաբերյալ ՀՀ օրենսգրքի 1577-րդ հոդվածով նախատեսված է վարչական պատասխանատվություն։
«Լիցենզավորման մասին» ՀՀ օրենքի 43-րդ հոդվածի համաձայն՝ շինարարությունը լիցենզավորման ենթակա գործունեության տեսակ է, իսկ «Քաղաքաշինության մասին» ՀՀ օրենքի 9-րդ համաձայն՝ շինարարություն իրականացնողները պարտավոր են ունենալ համապատասխան գործունեության իրավունքի լիցենզիա։
ՀՀ ՔՏՀԱ տեսչական մարմինը, որպես քաղաքաշինության բնագավառում վերահսկողություն իրականացնող մարմին, քննելով Վարչական իրավախախտումների վերաբերյալ ՀՀ օրենսգրքով իրեն վերապահված գործը, վարչական գործում առկա ապացույցներով հաստատված է համարել կառուցապատողի կողմից թույլ տրված վարչական իրավախախտման փաստը։
Ուստի, Տեսչական մարմինը, հիմնվելով վերոգրյալի հիման վրա և ղեկավարվելով Վարչական իրավախախտումների վերաբերյալ ՀՀ օրենսգրքի, 24411-րդ հոդվածով, 282-րդ հոդվածի 1-ին կետով, կառուցապատող Ս․ Գասպարյանին ենթարկել է վարչական պատասխանատվության՝ Վարչական իրավախախտումների վերաբերյալ ՀՀ օրենսգրքի 1577-րդ հոդվածի հատկանիշներով և վերջինիս նկատմամբ նշանակել է վարչական տույժ՝ տուգանք՝ 300.000 (երեք հարյուր հազար) ՀՀ դրամ գումարի չափով»,- ասված է հաղորդագրությունում։
