01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Հայ-ադրբեջանական հակամարտության լուծման բանալին «սահմանների դելիմիտացիայի հարցով համատեղ աշխատանքի մեջ է՝ ՌԴ-ի խորհրդատվական աջակցությամբ»․ Պուտին
Քաղաքականություն
20.09.2022 | 15:05
Ադրբեջանի և Հայաստանի միջև ցանկացած կոնֆլիկտային իրավիճակ լուրջ մտահոգություն է առաջացնում Ռուսաստանի Դաշնության մոտ, Մոսկվան կողմերին կոչ է անում պահպանել հրադադարը։ Այս մասին հայտարարել է ՌԴ նախագահ Վլադիմիր Պուտինը՝ հավատարմագրերի հանձնման արարողության ժամանակ դիմելով օտարերկրյա պետությունների դեսպաններին, գրում է ՏԱՍՍ-ը։
«Ընդգծեմ, որ ցանկացած կոնֆլիկտային իրավիճակ մեզ մտերիմ պետությունների միջև լուրջ մտահոգություն է առաջացնում։ Մենք կոչ ենք անում բոլորին զսպվածություն դրսևորել, խստորեն պահպանել հրադադարի ռեժիմը և խստորեն հետևել ՌԴ-ի, Հայաստանի և Ադրբեջանի ղեկավարների եռակողմ հայտարարություններին»,- ասել է Պուտինը։
Նա հայտարարել է, թե ՀԱՊԿ-ի գծով միջոցներ են ձեռնարկվում սրումը նվազեցնելու ուղղությամբ։
«Նշեմ, որ կազմակերպության միջոցով հայ-ադրբեջանական սահմանին իրավիճակի սրման հետ կապված միջոցներ են ձեռնարկվում։ Առճակատման գոտի է ուղարկվել ՀԱՊԿ գլխավոր քարտուղարի ղեկավարած հատուկ առաքելությունը։ Հանձնարարվել է Հավաքական անվտանգության խորհրդին առաջարկներ պատրաստել՝ հիմնվելով իրավիճակի ուսումնասիրության արդյունքների վրա»,- ասել է Պուտինը։
Նա նշել է, որ պետք է ելնել այն հանգամանքից, որ լուծման բանալին, իբր, հայ-ադրբեջանական սահմանների դելիմիտացիայի երկկողմ հանձնաժողովի շրջանակում պրոֆեսիոնալ համատեղ աշխատանքի մեջ է՝ Ռուսաստանի խորհրդատվական աջակցությամբ։
Էմմա Չոբանյան
