18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Բայդեն. ԱՄՆ-ը կպաշտպանի Թայվանը՝ հարձակման դեպքում
Քաղաքականություն
19.09.2022 | 11:45
ԱՄՆ զինվորականները կպաշտպանեն Թայվանը չինական ներխուժման դեպքում։ Սա հաստատել է ԱՄՆ նախագահ Ջո Բայդենը 60 վայրկյան հաղորդաշարին տված հարցազրույցում, գրում է DW-ի ռուսական ծառայությունը։
«Ի՞նչ պետք է իմանա Չինաստանի նախագահ Սի Ցզինպինը Թայվանին ձեր նվիրվածության մասին»: – հարցրել է ԱՄՆ ղեկավարին հաղորդավար Սքոթ Փելլին: «Մենք համաձայն ենք այն բանի հետ, ինչ վաղուց ստորագրել ենք»,- ասել է նախագահը։
Եվ որ կա մեկ Չինաստանի քաղաքականություն, և Թայվանն ինքն է որոշում իր անկախությունը։ Մենք չենք շարժվում… չենք խրախուսում նրանց անկախությունը։ Մենք չենք… դա… իրենց որոշումն է»:
Հարցին, թե արդյոք ԱՄՆ-ն իր զորքերը կուղարկի՞ կղզին պաշտպանելու համար, նախագահը պատասխանել է. «Այո, եթե իրականում աննախադեպ հարձակում լինի»։
Հարցազրույցից հետո Սպիտակ տան ներկայացուցիչն ասել է, որ Թայվանի նկատմամբ ԱՄՆ քաղաքականությունը մնացել է անփոփոխ։ 1979 թվականին Վաշինգտոնը պաշտոնապես դադարեցրեց դիվանագիտական հարաբերությունները Թայվանի հետ՝ Պեկինին ճանաչելով որպես Չինաստանի միակ ներկայացուցիչ։ Միևնույն ժամանակ մայրցամաքային Չինաստանը դարձել է ԱՄՆ-ի խոշորագույն առևտրային գործընկերներից մեկը։
Տաթև Ֆռանգյան
