03.11.2026 | 14:44
ԱՄՆ-ում մեկնարկում են միջանկյալ ընտրությունները․ ինչու են դրանք կարևոր
Ալլա Պուգաչովան դիմել է ՌԴ իշխանություններին՝ իրեն ևս օտարերկրյա գործակալ գրանցելու խնդրանքով
Քաղաքականություն
18.09.2022 | 16:59
Երգչուհի Ալլա Պուգաչովան սոցցանցերում հրապարակել է «դիմում Ռուսաստանի Դաշնության արդարադատության նախարարությանը», որում խնդրում է իրեն ևս ընդգրկել «իր սիրելի երկրի օտարերկրյա գործակալների շարքերում»։ Այս մասին տեղեկացնում է meduza.io-ն։
Պուգաչովան ասել է, որ ինքը համերաշխ է իր ամուսնու՝ Մաքսիմ Գալկինի հետ՝ «ազնիվ, պարկեշտ և անկեղծ մարդ, Ռուսաստանի իսկական և անկաշառ հայրենասեր», ով իր երկրին մաղթում է «խաղաղ կյանք, խոսքի ազատություն» և «պատրանքային նպատակներով մարդկային զոհերի ավարտ»։
Հիշեցնենք, որ սեպտեմբերի 16-ին Արդարադատության նախարարությունը «օտարերկրյա գործակալ» է հայտարարել Մաքսիմ Գալկինին, ով քննադատել է Ռուսաստանի իշխանություններին Ուկրաինայի վրա հարձակման համար։
Գերատեսչությունը նշել է, որ արտիստը քաղաքական գործունեություն է ծավալում և օգնություն է ստանում Ուկրաինայից։
