17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Գորիսում և Ակներում ՀԱՊԿ առաքելությանն է ներկայացվել ադրբեջանական զինուժի հարձակման հետևանքները. Արմեն Խաչատրյան
Քաղաքականություն
18.09.2022 | 11:11
ՀՀ ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանն ու հատուկ բանակային կորպուսի հրամանատար Արտակ Բուդաղյանը Սյունիքի մարզում ընդունեցին Հայաստան ժամանած ՀԱՊԿ առաքելության առաջապահ խմբի ղեկավար գեներալ-գնդապետ Անատոլի Սիդորովին։ Այս մասին ֆեյսբուքյան էջում նշել է Արմեն Խաչատրյանը:
«Այսօր Հատուկ բանակային կորպուսի հրամանատար Ա.Բուդաղյանի հետ Սյունիքի մարզում ընդունեցինք Հայաստան ժամանած ՀԱՊԿ առաքելության առաջապահ խմբի ղեկավար գեներալ-գնդապետ Անատոլի Սիդորովին։ Վերջինիս ղեկավարած պատվիրակությանը ներկայացվեցին սեպտեմբերի 12-ին սկսված, ՀՀ սահմանների և բնակավայրերի վրա ադրբեջանական զինուժի հարձակման և դրա հետևանքների վերաբերյալ ամփոփ տվյալներ։
Ա.Սիդորովը և իր ղեկավարած դիտորդական խումբը հրավիրվել են նաև Գորիս համայնքի Ակներ գյուղ, տեղում ուսումնասիրել հրետակոծության հետևանքով վնասված բնակելի տունը, որը խաղաղ բնակավայրերի վրա հարձակման բազմաթիվ ապացույցներից մեկն է»,-նշել է Խաչատրյանը։
