16.01.2026 | 17:09
Էնթոնի Ջոշուան վերսկսել է մարզումները մահվան ելքով ավտովթարից հետո․ ՏԵՍԱՆՅՈՒԹ
ԱԽ քարտուղարը ՀԱՊԿ-ի հետ կապված հույս այլևս չունի․ ՄԻՊ-ը տեղահանվածների նոր թիվ է հրապարակել․ Լուրեր
16.09.2022 | 19:08
- ՀԱՊԿ-ը դեռևս պատշաճ չի արձագանքել, որպեսզի ադրբեջանական զորքերն ամբողջությամբ դուրս գան Հայաստանի սուվերեն տարածքից, դա նշանակում է, որ հայկական կողմի ակնկալիքները չեն արդարացել։ Այս մասին Ազատության եթերում հայտարարել է ԱԽ քարտուղար Արմեն Գրիգորյանը։ Նրա խոսքով՝ այլևս հույս չկա, որ ՀԱՊԿ մեխանիզմները կաշխատեն։
- Հայաստանի վրա ադրբեջանական հարձակման արդյունքում Գեղարքունիքի, Սյունիքի ու Վայոց ձորի մարզերում իրենց բնակավայրերից տեղահանվել է առնվազն 7600 անձ, որոնց մեծամասնությունը կանայք, երեխաներ, ծերեր ու հաշմանդամություն ունեցող անձինք են։ ՀՀ ՄԻՊ աշխատակազմից տեղեկացնում են, որ տեղահանվածների թվում են 1437 երեխա և 99 հաշմանդամություն ունեցող անձ։
- ՀՀ ԶՈՒ ԳՇ պետ Էդվարդ Ասրյանը հայտարարել է, որ Ջերմուկին ամենամոտը գտնվում է ադրբեջանցի 10-12 զինծառայողների խումբ, որը սնուցում չստանալու դեպքում ստիպված է լինելու հեռանալ այնտեղից։ Ըստ Ասրյանի՝ մյուս ադրբեջանական խմբերը ավելի հեռու են Ջերմուկից, թեև մի քանի կիլոմետր մխրճվել են Հայաստանի տարածքի մեջ։ Շտաբ պետն ասել է, որ այս ուղղությամբ հակառակորդին համապատասխան կորուստներ հասցնելով հետ կշպրտեն, եթե ադրբեջանցիները նորից փորձեն իրենց հարձակողական գործողությունները սկսել։
Այս ժամի լուրերը՝ տեսանյութում։
