17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
ՇՀԿ-ն Բելառուսին լիիրավ անդամի կարգավիճակ տալու ընթացակարգ է սկսել
Քաղաքականություն
16.09.2022 | 21:18
Շանհայի համագործակցության կազմակերպությունը (ՇՀԿ) որոշել է սկսել Բելառուսին լիիրավ անդամի կարգավիճակ տալու ընթացակարգը։ Այս մասին Սամարղանդում ՇՀԿ գագաթնաժողովի ժամանակ հայտարարել է Ուզբեկստանի նախագահ Շավքաթ Միրզիոևը։
Իր հերթին Բելառուսի ղեկավար Ալեքսանդր Լուկաշենկոն հայտարարել է, որ Մինսկը ստացել է «միաձայն աջակցություն» ՇՀԿ-ին միանալու հարցում, գրում է DW-ի ռուսական ծառայությունը։
Բելառուսն այս կազմակերպությանն անդամակցելու պաշտոնական դիմում է ներկայացրել 2022 թվականի հուլիսին։ 2010 թվականից Մինսկը ՇՀԿ-ում ունեցել է գործընկերոջ կարգավիճակ, իսկ 2015 թվականին ստացել է դիտորդի կարգավիճակ։
Բացի այդ, սեպտեմբերի 15-ին հուշագիր է ստորագրվել ՇՀԿ-ին Իրանի միանալու մասին և որոշում է կայացվել երկխոսության գործընկերների կարգավիճակ շնորհել հինգ պետությունների՝ Բահրեյնին, Մալդիվների Հանրապետությանը, Քուվեյթին, Արաբական Միացյալ Էմիրություններին և Մյանմարին։
Տաթև Ֆռանգյան
