Քաղաքականություն
16.09.2022 | 16:25
Ամերիկացի հետաքննող լրագրող Լինդսի Սնելը Թվիթերի իր միկրոբլոգում անդրադարձել է Ադրբեջանի ԶՈւ-ի կողմից հայ զինվորականների դեմ իրականացրած ռազմական հանցագործություններին։
«Մի շարք մեկնաբանություններում անհանգստություններ են արտահայտվում այն մասին, որ Ադրբեջանի ռազմական հանցագործությունների մասին վկայող տեսանյութերի տարածումը Միջազգային քրեական դատարանին ապահովում է ապացույցներ, սակայն նրանք անհանգստանալու կարիք չունեն։ Ադրբեջանցի զինվորականները իրենց տեսանկարահանում են, թե ինչպես են խոշտանգում կամ սպանում զինվորներին ու քաղաքացիական անձնանց 2020 թվականի պատերազմի ընթացքում և դրանից հետո, և նրանք դրա համար որևէ պատասխանատվության չեն ենթարկվում»,- գրել է ամերիկացի լրագրողը՝ իր էջում կիսվելով ադրբեջանցիների մեկնաբանություններով, ովքեր ասում են, թե «պետք չէ կրակել սեփական ոտքին՝ այդ տեսանյութերը հրապարակելով»։
Several comments express concern that sharing videos of Azerbaijani war crimes provides evidence to the @IntlCrimCourt, but they needn’t worry.
AZ soldiers filmed themselves torturing and killing soldiers and civilians during and after the 2020 war and faced zero consequences. pic.twitter.com/UkVpyZBLT2
— Lindsey Snell (@LindseySnell) September 16, 2022
Տաթև Ֆռանգյան
