03.06.2026 | 13:36
Վոլոդինը հայտարարել է, թե «Հայաստանը ԵՄ-ում կկորցնի իր ինքնությունը, ինչպես արդեն կորցրել է կոնյակը»
Սի Ցզինպինը չի գնացել Պուտինի և Էրդողանի հետ ճաշելու․ Reuters
Քաղաքականություն
16.09.2022 | 16:51
Չինաստանի Ժողովրդական Հանրապետության նախագահ Սի Ցզինպինը բաց է թողել Շանհայի համագործակցության կազմակերպության երկրների ղեկավարների հետ Սամարղանդում հանդիպման շրջանակում կազմակերպված ընթրիքը։ Այս մասին հայտնում է Reuters գործակալությունը՝ հղում անելով Ուզբեկստանի կառավարությունում իր աղբյուրին։
Չինաստանի ղեկավարը ներկա չի եղել ընթրիքին, որին մասնակցել են 11 պետությունների ղեկավարներ, այդ թվում՝ Ռուսաստանի և Թուրքիայի նախագահներ Վլադիմիր Պուտին ու Ռեջեփ Թայիփ Էրդողանը։
Գործակալության աղբյուրը հաստատել է Սի Ցզինպինի բացակայությունը և հայտնել, որ չինական պատվիրակությունը դա հիմնավորել է կորոնավիրուսի հետ կապված քաղաքականությամբ։
Նշենք, որ ՉԺՀ-ի ղեկավարի հետ հանդիպմանը Բելառուսի առաջնորդ Ալեքսանդր Լուկաշենկոն ստիպված է եղել դիմակ կրել, թեև սովորաբար դա չի անում։
Տաթև Ֆռանգյան
