13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՌԻԱ Նովոստին խեղաթյուրում է Նիկոլ Փաշինյանի խոսքերը
Քաղաքականություն
16.09.2022 | 13:20
Ռուսական ՌԻԱ Նովոստի լրատվական գործակալությունը խեղաթյուրել ու սեփական ցանկությամբ խմբագրել է ՀՀ վարչապետ Նիկոլ Փաշինյանի՝ այսօր Կառավարության նիստում արած հայտարարությունը։
Մասնավորապես, թելեգրամյան պաշտոնական ալիքում ռուսական լրատվական գործակալությունը, մեջբերելով ՀՀ վարչապետի խոսքը, այն ներկայացնում է այսպես․ «Հակական կողմի կորուստներն ադրբեջանական սահմանին իրադրության սրման հետևանքով 135-ն են»։
Նման ձևակերպում ռուսական լրատվականն օգտագործում է նաև կայքի հրապարակման մեջ։
Նշենք, սակայն, որ Նիկոլ Փաշինյանն այսօր իր խոսքում նման արտահայտություն չի արել։
«Ադրբեջանի Զինված ուժերն ագրեսիա են իրականացրել ՀՀ ինքնիշխան տարածքի նկատմամբ և ՀՀ զինված ուժերի բազմաթիվ ներկայացուցիչներ, զինվորներ, հայրենիքը պաշտպանելիս անձնուրացաբար զոհել են իրենց կյանքը։ Այսօրվա դրությամբ՝ մեր հաստատված զոհերի թիվը 135 է, թիվը վերջնական չէ, ունենք նաև բազմաթիվ վիրավորներ»,- ասել է Փաշինյանը։
Էմմա Չոբանյան
