19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռազմաքաղաքական իրավիճակն այնպիսին է, որ մշտապես կարող են բռնկվել մարտական գործողություններ․ Սեյրան Օհանյան․ ՏԵՍԱՆՅՈՒԹ
Քաղաքականություն
16.09.2022 | 11:51
Ադրբեջանը փորձում է սեղմել օղակը ՀՀ-ի շուրջ և ավելացնել ճնշումները Հայաստանի իշխանությունների նկատմամբ և հասնել Սյունիքի միջանցքի բացմանը, ԱԺ-ում լրագրողների հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը։
«ՀՀ իշխանություններն իմանալով իրավիճակը, հատկապես բանակցային գործընթացում պայմանավորվածությունները, պարտավոր էին Զինված ուժերը և հասարակությանը նախապատրաստել»,- նշեց պատգամավորը։
Նրա խոսքով՝ մենք մշտապես պետք է պատրաստ լինենք նման սադրանքների, քանի որ Հայաստանի շուրջ ռազմաքաղաքական իրավիճակն այնպիսինն է, որ մշտապես կարող են բռնկվել մարտական գործողություններ։
Օհանյանը հավելեց, որ այս իրավիճակում ՀՀ իշխանությունները պարտավոր են հստակ գնահատել իրավիճակը, գնահատել նաև մարտավարական գործողությունների արդյունքում տեղի ունեցած բոլոր փոփոխությունները, ճշտել զոհվածների, գերիների, անհետ կորածների, վիրավորների թիվը, պատշաճ ներկայացնել հանրությանը։
«Հաջորդ քայլն այն պետք է լինի, որ միջոցներ ձեռնարկեն, որպեսզի այսպիսի հաջորդ սադրանքներին Հայաստանը կարողանա պատրաստ լինել», – նշեց Օհանյանը։
Մանրամասները՝ տեսանյութում։
