09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Մակրոնի հետ պայմանավորվել ենք` իրավիճակը պետք է մնա ՄԱԿ ԱԽ֊ի ուշադրության կենտրոնում. Փաշինյան․ ՏԵՍԱՆՅՈՒԹ
Քաղաքականություն
16.09.2022 | 11:29
ՀՀ դիրքորոշումը հստակ է՝ Ադրբեջանի զինված ուժերի ստորաբաժանումները պետք է դուրս գան ՀՀ ինքնիշխան տարածքից: Այս մասին կառավարության այսօրվա նիստում հայտարարեց ՀՀ վարչապետ Նիկոլ Փաշինյանը:
«Խոսքը ոչ միայն վերջին օրերի իրադարձությունների, այլև նախորդ տարվա մայիսի 12-ին Սոթք-Խոզնավար հատվածում տեղի ունեցած ներխուժման մասին է: ՀՀ-ն այս դիրքորոշումն է արձանագրել ՄԱԿ-ի ԱԽ-ում տեղի ունեցած քննարկումների ժամանակ: Ըստ էության, ՄԱԿ-ի ԱԽ-ում Հայաստանի դիմումի հիման վրա են քննարկումներ տեղի ունեցել:
Երեկ երեկոյան ևս մեկ հեռախոսազրույց եմ ունեցել ՄԱԿ-ի ԱԽ-ում նախագահող երկրի՝ Ֆրանսիայի նախագահ Էմանուել Մակրոնի հետ պայմանավորվածություն է ձեռք բերվել, որ իրավիճակը պետք է շարունակի մնալ ՄԱԿ-ի Անվտանգության խորհրդի ուշադրության կենտրոնում»,- նշեց Փաշինյանը:
«Երեկ ՄԱԿ-ի ԱԽ-ում տեղի է ունեցել հատուկ քննարկում՝ նվիրված մեզ հուզող հարցերին. մեր նախաձեռնությամբ է եղել քննարկումը»,- այս մասին նիստի ընթացքում ասաց ՀՀ ԱԳ նախարար Արարատ Միրզոյանը:
Նա նշեց, որ դա արդեն երկրորդ քննարկումն է, թեև հանրությունը մեծապես տեղեկացված չէ այդ մասին։ «Երկու օր առաջ տեղի է ունեցել ևս մեկ քննարկում փակ ռեժիմում, և ահա արդեն երկրորդը՝ մեր պնդմամբ արդեն բաց ռեժիմում, որպեսզի ողջ աշխարհի մարդկությունը կարողանա հետևել մշտական, ոչ մշտական անդամ երկրների տարբեր դիրքորոշումներին»,- ասաց Միրզոյանը:
«Քննարկման արդյունքներով փաստաթուղթ առայժմ չի ընդունել, բայց դա որևէ կերպ չպետք է նսեմացնի տեղի ունեցած քննարկման կարևորությունը, որովհետև, այնուամենայնիվ, նույնիսկ առանց փաստաթղթի միջազգային հանրությունը շատ հստակ դիրքավորվել է հարցերի շուրջ»,- ընդգծեց Միրզոյանը:
Մանրամասները՝ տեսանյութում։
