03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
ՀԱՊԿ անդամ պետությունները պետք է համախմբված լինեն միմյանց պաշտպանելու համար. Մարուքյան
Քաղաքականություն
16.09.2022 | 09:33
Հատուկ հանձնարարություններով դեսպան Էդմոն Մարուքյանը ֆեյսբուքյան էջում գրել է.
«Անհանգստացնող լուրեր ենք ստանում, որ ՀԱՊԿ անդամ Ղրղզստան-տաջիկական պետական սահմանի ողջ երկայնքով զինված բախումներ են ընթանում: Ղրղզստանի Բատկենի շրջանի իշխանությունները հայտնել են, որ վիրավորվել է 4 զինվոր։
Սահմանամերձ շրջաններից տեղի է ունենում բնակիչների տարհանում: Կարծում եմ, սա լավ նախադեպ չէ և պետք է ՀԱՊԿ անդամ պետությունները համախմբված լինեն միմյանց պաշտպանելու համար, մինչդեռ բախումները երկու անդամ պետությունների միջև են ընթանում:
Հուսով եմ, խնդրի արագ խաղաղ կարգավորում կգտնվի»:
Հիշեցնենք, որ սեպտեմբերի 13-ի կեսգիշերին ադրբեջանկան հարձակումից շատ չանցած, ՀՀ-ն հայտնեց որ պաշտոնապես դիմել է ՀԱՊԿ-ին։ Կազմակերպության Հավաքական անվտանգության խորհուրդը որոշեց, որ ՀՀ պիտի ժամանի մոնիտորինգային առաքելություն։ Երեկոյան Հայաստան է ժամանել ՀԱՊԿ Միացյալ շտաբի օպերատիվ խումբը, որը գլխավորում է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը։
