18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Շվեդիայի խորհրդարանի Շվեդիա-Հայաստան բարեկամության խմբի անդամները պահանջում են երկրից դատապարտել Ադրբեջանի գործողությունները
Քաղաքականություն
14.09.2022 | 21:12
Շվեդիայի խորհրդարանի Շվեդիա-Հայաստան բարեկամության խմբի անդամները հանդես են եկել ս.թ. սեպտեմբերի 13-ին Հայաստանի դեմ սանձազերծված ադրբեջանական ագրեսիան դատապարտող հայտարարությամբ, որում մասնավորապես նշվում է.
«Շվեդիայի Ռիկսդագի Շվեդիա-Հայաստան բարեկամության խումբը կոչ է անում Շվեդիայի կառավարությանը դատապարտել Ադրբեջանի Հանրապետության հարձակումները Հայաստանի Հանրապետության դեմ
Մենք՝ Շվեդիայի Ռիկսդագի Շվեդիա-Հայաստան բարեկամության խմբի ներքոստորագրյալ անդամներս, խստորեն դատապարտում ենք Ադրբեջանի կողմից վերջին լայնածավալ ռազմական հարձակումը Հայաստանի Հանրապետության ինքնիշխան և միջազգայնորեն ճանաչված տարածքում բազմաթիվ թիրախների դեմ։ Առկա են հաղորդագրություններ Հայաստանի Սյունիքի, Գեղարքունիքի և Վայոց Ձորի մարզերի տարածքում իրականացված ինտենսիվ հրետանային գնդակոծությունների և անօդաչու թռչող սարքերի հարձակումների մասին, որոնց հետևանքով գրանցվել են բազմաթիվ զոհեր։
Մենք կոչ ենք անում Շվեդիայի կառավարությանը և միջազգային հանրությանը խստորեն դատապարտել այդ հարձակումները և աներկբա կերպով արձագանքել բռնության այս անընդունելի դրսևորմանը։ Շվեդիայի արտգործնախարարը հայտարարություններ է արել՝ կոչ անելով անհապաղ դադարեցնել բոլոր ռազմական գործողությունները, և որ «երկխոսությունը կայուն խաղաղության միակ ճանապարհն է»։ Սա բավարար չէ։ Ագրեսիան պետք է խստորեն դատապարտել»:
Արին Կարապետ
Բյորն Սյոդեր
