04.11.2026 | 19:29
Հայաստանը նախատեսում է ստորագրել ԱՊՀ արդարադատության նախարարությունների համագործակցության համաձայնագիրը
Շուշիի դրվագով մարդուն ձերբակալում են, պարզվում է ՝ Ղարաբաղի խորհրդարանի կեսը պաշտպանում է․ Փաշինյան․ ՏԵՍԱՆՅՈՒԹ
Քաղաքականություն
14.09.2022 | 18:45
ԱԺ-Կառավարություն հարցուպատասխանի ժամանակ անդրադառնալով ՔՊ պատգամավոր Արուսյակ Ջուլհակյանի այն հիշեցմանը, որ 44-օրյա պատերազմի ընթացքում կային մարդիկ, որոնք մարտական դիրքերում զինվորներին ասում էին՝ մի կռվեք, հողերը ծախել են, վարչապետ Նիկոլ Փաշինյանն արձագանքեց. «ԱԱԾ-ն ինձ զեկուցել է, որ պատերազմի դրվագ կա, որտեղ կոնկրետ անձի կողմից հրամայվել է, որ հակառակորդի կողմից գրավված և ապա հետ գրավված ռազմավարական նշանակության բարձունքը զինված ուժերը թողնեն և հեռանան։ Որտեղի՞ց է եկել այդ հրամանը։
Կառավարությունն ամենաշահագրգիռն է, որ պատերազմական դրվագներն ի հայտ գան։
Եվ հիմա որ նախաքննության մարմինը կոնկրետ մարդկանց Շուշիի դրվագով ձերբակալում է, մեկ էլ Ղարաբաղի խորհրդարանի կեսը պաշտպանում է։ Չհասկացանք, բա հիմա Շուշին հանձնե՞լ են, թե՞ չեն հանձնել. թե՞ պիտի պարտադիր պարզվեր, որ ես եմ Շուշին հանձնել, որ բոլորն ասեին՝ կեցցե արդարությունը»։
Մանրամասները՝ տեսանյութում։
