19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Չի եղել մի դեպք, երբ բանակը հարց բարձրացնի, և ես այդ խնդիրը չլուծեմ առնվազն ֆինանսական մակարդակով․ Փաշինյան․ ՏԵՍԱՆՅՈՒԹ
Քաղաքականություն
14.09.2022 | 18:50
2018թ.-ին վարչապետի պաշտոնը ստանձնելուց հետո առաջնորդվել եմ «Ամեն ինչ բանակի համար» սկզբունքով։ ԱԺ–ում կառավարության հետ հարցուպատասխանի ժամանակ հայտարարեց Նիկոլ Փաշինյանը։
«Չի եղել մի դեպք, երբ բանակը մի որևէ հարց բարձրացնի, և ես այդ խնդիրը չլուծեմ առնվազն ֆինանսական մասով: Այդքան քննադատված ՍՈւ-33ՍՄ–երի դեպքը դրա վառ օրինակն է, քանի որ պաշտպանության նախարարը կամ ԳՇ պետը պարտավոր չեն փորձագետ լինել և ասել, թե որ օդանավը գնեն։
․․․Ինձ ինչ զեկուցվել է, որ պետք է բանակի համար, բանակը դա ստացել է։ Ինձ եկել, ասել են, որ 15 միլիարդ է պետք, որ բանակի սնունդը ապահովվի, ասել եմ՝ կտանք, ասել են՝ հարյուր քանի միլիոն դոլար է պետք, որ ինքնաթիռ առնենք, ասել եմ՝ կտանք, ասել են՝ արկեր առնելու համար փող է պետք, ասել եմ կտանք, 5 միլիոն, 10 միլիոն, 30 միլիոն ․․․ ասել եմ՝ կտանք»,- նշեց Փաշինյանը։
Նրա խոսքով` իրեն ինչ զեկուցել են, որ պետք է բանակի համար, բանակը ստացել է դա։ Փաշինյանը նշեց` հիմա որոշները քրգործերով դատվում են, քանի որ պարզվել է, որ իր տված 10 միլիոնը տարել են և իրենց «գարաժներում պահվող սնարյադների փոշին վրայից մաքրել ու բերել են ՊՆ–ի պահեստ մտցրել»։
Հարցին, թե ինչո՞ւ հիմա չեն կիրառվում մեր ՍՈւ-երը, Փաշինյանը պատասխանեց, թե ամեն ինչ չէ, որ այս պահին կիրառվում է, քանի որ արդյունավետության հարց կա։
Մանրամասները՝ տեսանյութում։
