16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Ագրեսորը ՀՀ տարածքից պետք է դուրս գա․ մեր խնդիրը ՀՀ տարածքային ամբողջականությունը վերականգնելն է․ Նիկոլ Փաշինյան․ ՏԵՍԱՆՅՈՒԹ
Քաղաքականություն
14.09.2022 | 18:01
Ագրեսորը պետք է դուրս գա Հայաստանի տարածքից։ Մեր քաղաքական խնդիրը Հայաստանի տարածքային ամբողջականության վերականգնումն է: Այս մասին ասաց ԱԺ-ում կառավարության անդամների հետ հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը։
Ի խատասխան հարցի, թե արդյոք որոշ կորուստներից հետո այսօր հետ բերվե՞լ են կորսված դիրքեր, Փաշինյանը նշեց, որ չի ցանկանում մարտական գործողությունների նրբություններին անդրադառնալ:
«Մենք դիրքի խնդիր չենք լուծում ընդհանրապես, մեր քաղաքական խնդիրը Հայաստանի տարածքային ամբողջականությունը վերականգնելն է: Ագրեսորը ՀՀ-ի տարածքից պետք է դուրս գա: Հայաստանի տարածքն այն տարածքն է, որի վրա Հայաստանի Հանրապետությունը հռչակել է անկախություն, դա Հայկական Սովետական Սոցիալիստական Հանրապետության տարածքն է: Եթե Ադրբեջանն այդ գիծը չի ճանաչում, սա այլ հարց է»,-ասաց Փաշինյանը:
Նա նաև շեշտեց, որ զինվորները, կամավորականներն առյուծի նման կռիվ են տալիս: Վարչապետը ՀՀ-ի, ժողովրդի անունից երախտագիտության, շնորհակալության և գնահատանքի խոսք ասաց բոլոր այն մարդկանց, որոնք զենքը ձեռքին պաշտպանում են հայրենիքի ինքնիշխանությունը, անկախությունն ու տարածքային ամբողջականությունը:
Մանրամասները՝ տեսանյութում։
