25.06.2026 | 19:40
ԵԽԽՎ-ն Վրաստանում ժողովրդավարության նահանջի վերաբերյալ քննադատական բանաձև է ընդունել
Եվրախորհրդարանի պատգամավորները կոչ են անում ԵՄ-ին՝ գազ չգնել Ադրբեջանից
Քաղաքականություն
14.09.2022 | 17:37
Եվրախորհրդարանի (ԵԽ) բազմաթիվ պատգամավորներ այսօր կոչ են արել Եվրահանձնաժողովի (ԵՀ) ղեկավար Ուրսուլա ֆոն դեր Լեյենին՝ գազ չգնել Ադրբեջանից, որը «հարձակվում է Հայաստանի ինքնիշխան տարածքի վրա», այլ քայլեր ձեռռնարկել ռազմական գործողությունները դադարեցնելու համար, գրում է ՏԱՍՍ-ը։
Այս տարվա հուլիսին ԵՄ-ն Բաքվի հետ համաձայնագիր է ստորագրել առաջիկա մի քանի տարիների ընթացքում Ադրբեջանից գազի մատակարարումները կրկնապատկելու մասին՝ որպես ռուսական գազից կախվածությունը նվազեցնելու՝ Բրյուսելի ցանկության մաս:
«Մենք չենք կարող թույլ չտալ Գերմանիային փակել ատոմակայանները, միաժամանակ, գազ ներկրել Ադրբեջանից և կախված լինել մեկ այլ հանցավոր ռեժիմից: Հուսով եմ, որ մենք բոլորս դեմ կլինենք [Ադրբեջանի նախագահ Իլհամ] Ալիևի ագրեսիային Հայաստանի դեմ»,- ասել է ֆրանսիացի պատգամավոր Ֆրանսուա-Քսավիե Բելամին։
«Բարեկամ Հայաստանի ժողովրդին օգնելուց ձեռնպահ մնալը՝ հանուն գազային շահերի, ինչպես անում է ԵՄ-ն, դավաճանություն է»,- շեշտել է մեկ այլ ֆրանսիացի պատգամավոր՝ Ջորդան Բարդելլան։
Իր հերթին, Բուլղարիայից պատգամավոր Անդրեյ Կովաչովը Եվրահանձնաժողովի ղեկավարին կոչ է արել «անել հնարավորը՝ մարդկանց սպանությունը դադարեցնելու համար»։
«Եվրամիությունը պետք է միջնորդի դեր ստանձնի [Հայաստանի և Ադրբեջանի միջև]»,- ասել է նա։
Տաթև Ֆռանգյան
