09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
Ղրղզստանը հայտնում է Տաջիկստանի հետ սահմանին մեկ օրվա ընթացքում երրորդ փոխհրաձգության մասին
Քաղաքականություն
14.09.2022 | 17:10
Տաջիկստանի և Ղրղզստանի սահմանին տեղի է ունեցել հերթական փոխհրաձգությունը, որն արդեն երրորդն է մեկ օրվա ընթացքում։ ՌԻԱ Նովոստիին այս մասին հայտնել են Ղրղզստանի սահմանապահ ծառայության մամուլի կենտրոնից։
«2022 թվականի սեպտեմբերի 14-ին ժամը 15:08-ին (Մոսկվայի ժամանակով՝ 12:08-ին) Բատկենի շրջանի Պասկի-Արիկ շրջանում Տաջիկստանի սահմանապահները կրակ են բացել Բատկենի սահմանապահ «Սամարկանդեկ» ջոկատի անդամների ուղղությամբ։ Ղրղզ սահմանապահները կրակ են բացել, սկսվել է հերթական փոխհրաձգությունը»,- ասել է գործակալության զրուցակիցը։
Հիշեցնենք՝ ավելի վաղ էլ ՏԱՍՍ-ը հայտնել էր, որ հերթական փոխհրաձգությունն էր տեղի ունեցել Տաջիկստանի Իսֆարա շրջանի տաջիկ-ղրղզական սահմանի հատվածում։ Զոհերի կամ վիրավորների մասին տեղեկություններ չկան։
Ավելի վաղ հաղորդվել էր, որ չորեքշաբթի ժամը 07:15-ի սահմաններում (Մոսկվայի ժամանակով 05:15-ին) տաջիկ-ղրղզական սահմանի այն հատվածում, որտեղ գտնվում է Տաջիկստանի Իսֆարա սահմանապահ ջոկատի Կեխի սահմանային կետը, սահմանապահների միջև փոխհրաձգություն է տեղի ունեցել:
Տաջիկստանի Ազգային անվտանգության պետական կոմիտեի մամուլի կենտրոնի հաղորդմամբ՝ ղրղզ սահմանապահները ականանետներից, գնդացիրներից և այլ հրազենից կրակել են Տաջիկստանի սահմանապահ դիրքերի ուղղությամբ։
Տաթև Ֆռանգյան
