15.04.2026 | 16:44
Փաշինյանը ներկա է գտնվել եզդիական համայնքի Նոր տարվան նվիրված միջոցառմանը
Թաքնված աշխատուժի բացահայտման ստուգումները կանցկացվեն առանց ծանուցման․ նախագիծն ընդունվեց առաջին ընթերցմամբ․ ՏԵՍԱՆՅՈՒԹ
Քաղաքականություն
14.09.2022 | 11:33
Ազգային ժողովն առաջին ընթերցմամբ ընդունեց «ՀՀ ստուգումների կազմակերպման և անցկացման մասին» օրենքում փոփոխություններ կատարելու մասին նախագծը։
Գործող օրենքով՝ ՀՀ առողջապահական և աշխատանքի տեսչական մարմինը ստուգումից 3 օր առաջ պետք է տեղեկացնի ստուգվող տնտեսվարողին՝ նրա մոտ նախատեսված ստուգման մասին: Ըստ նախագծի հեղինակներ Հերիքնազ Տիգրանյանի և Նարեկ Զեյնալյանի՝ սա կանխատեսելի է դարձնում ստուգումները տնտեսվարողի համար, և նա ավելի պաշտպանված է դառնում: Տեսչությունը ստուգում է նաև թաքնված աշխատուժը, և այս դեպքում եռօրյա ծանուցումը ստուգումը դարձնում է անիմաստ:
Առաջարկած փոփոխությամբ՝ տեսչական մարմինը միայն թաքնված աշխատուժի բացահայտման ստուգումներ անցկացնելու դեպքում կարող է չպահպանել եռօրյա ծանուցման պահանջը:
